Shtatorin e shkuar, në adresën e programit Ka Një Mesazh Për Ty, kishte mbërritur një mesazh nga Erion Dehari, i cili pas 46 vitesh kërkon të gjejë nënën e tij biologjike.

Gjebrea mirëpret Erionin në zyrë i cili nis të ndajë kujtimet e tij të para kur nisi të kuptonte që nuk ishte djali biologjik i familjes ku rritej dhe momentin kur e mësoi të vërtetën.

Erion: Unë quhem Erion Dehari dhe vij nga qyteti i Fushë-Krujës, banues.

Ardit Gjebrea: Aty ke lindur?

Erion: Jo, kam lindur në…atje ku jam rritur domethënë quhet Ostren i Vogël.

Ardit Gjebrea: Nuk the se ku ke lindur, nuk e di se ku ke lindur, jo?

Erion: Jo, nuk e di.

Ardit Gjebrea: Sa vjeç je ti?

Erion: Unë jam 46.

Ardit Gjebrea: Datëlindja?

Erion: 15 maj 1979.

Ardit Gjebrea: Në cilën moshë ti për herë të parë dyshove një fjalë që u bë edhe motivi pse sot je këtu?

Erion: Kam qenë në klasë të parë, fëmijë, në shkollë, si puna jonë ndonjëherë kur ziheshim, “të kanë marrë” më thoshin kalamajtë.

Ardit Gjebrea: Si të thoshin kalamajtë, kur ziheshit?

Erion: Po, kështu ndonjëherë. “Ti s’je i filanit”.

Ardit Gjebrea: Si e ka emrin mami?

Erion: I Seitit dhe i Nexhmijes.

Ardit Gjebrea: Pra babai Seit, nëna Nexhmije. Thoshin “ti nuk je fëmija i tyre”.

Erion: Po, të kanë marrë më thoshin mua.

Ardit Gjebrea: Ti çfarë bëje?

Erion: Pastaj vajta në shtëpi, i thasha mamit. Mami thoshte “jo, ti i joni”.

Ardit Gjebrea: Çfarë i the mamit kur vajte në shtëpi?

Erion: Mami i thashë, aty në shkollë fëmijët më thonë kështu. Më keni marrë? Jo të keqen mami, ti je yni. Nuk tregonin.

Ardit Gjebrea: Cili ishte momenti i parë që ti fillove të dyshoje seriozisht?

Erion: Pati një periudhë në vitin ’98. Gjendjen civile e kishim në Ostren të Madh.

Ardit Gjebrea: Sa vjeç ishe ti?

Erion: 18. Natyrisht, që të marr një certifikatë vajta te kryetari i gjendjes civile. Hapi ai regjistrin, aty gjeti një dokument. E lexoi dhe tha “ti qenke i adoptuar”, aty e mora vesh pastaj.

Ardit Gjebrea: Çfarë ndjeve në atë moment?

Erion: Ngela.

Ardit Gjebrea: E more dokumentin?

Erion: Aty më lexoi emrat e babait dhe nënës.

Ardit Gjebrea: Tani te dokumenti emri i babait dhe nënës nuk ishte i prindërve që  të kishin rritur?

Erion: Jo, i atyre biologjikëve.

Ardit Gjebrea: Dhe si ishin?

Erion: Kujtim Dema, emri i babait dhe Lutfjie Dema.

Ardit Gjebrea: Erioni tregon si erdhi tek e vërteta.

Erion: Para se t’ju shkruaja juve, vendosa dhe i thashë mamit pastaj.

Ardit Gjebrea: Çfarë tha mami?

Erion: Pranoi pastaj, filloi të qante. Edhe sot qan shumë.

Ardit Gjebrea: Normale që të do.

Një foshnje 9-muajshe është sulmuar për vdekje nga një qen i racës “Pitbull”.

Ngjarja ka ndodhur mbrëmjen e së shtunës në Acerra, pjesë e Napolit në Itali.

Vajza e vogël, Gulia, u gjet nga i ati e gjakosur dhe u dërgua në spital, por fatkeqësisht nuk mund t’i mbijetonte dot plagëve të marra. Ajo kishte plagë kryesisht në fytyrë dhe në kokë.

Deklarata e babait

Në versionin e parë të dhënë në spital, babai i fëmijës tha se e vogla ishte sulmuar nga një qen endacak, një deklaratë që u përgënjeshtrua më pas.

Hetimi dhe autopsia

Prokuroria Publike Nola, e cila ka hapur çështjen, ka urdhëruar sekuestrimin e trupit të vogëlushes për autopsi, si dhe të banesës ku ka ndodhur ngjarja për ekzaminim. Kontrolle u urdhëruan edhe për kafshën. Të dy prindërit tashmë janë marrë në pyetje nga hetuesit. Historia e babait është se ai ra ishte duke fjetur gjumë me fëmijën dhe kur u zgjua dhe e gjeti të gjakosur, por nuk dëgjoi asnjë zhurmë.

Në lidhje me qenin, ai është marrë nga shërbimi veterinar i zonës.

Megi Xhetani është 20-vjeçarja qe humbi jetën nga aksidenti tragjik në aksin rrugor Përrenjas-Librazhd, në afërsi të fshatit Pishkash.

I plagosur rëndë ka ngelur i fejuari i viktimës, 34-vjeçari Zef Sinani. 20-vjeçarja, së bashku me partnerin e saj kishin dalë për të festuar ditën e të dashuruarve, 14 Shkurtin.

Çifti kishte udhëtuar drejt Pogradecit për të kaluar një ditë të veçantë.

Vizon Plus mëson se dy të rinjtë ishin fejuar para tre muajsh. Megi ishte vajza e vetme e familjes Xhetani.

Paraprakisht dyshohet se shkak i aksidentit mund të ketë qenë qarkullimi i automjeteve me shpejtësi tej normave të lejuara.

Kryeministri shqiptar Edi Rama tha në Mynih, se qeveria amerikane nuk i ka parashtruar ende ndonjë kërkesë për strehim refugjatësh palestinezë në Shqipëri, por përgjigjja do të jetë gjithsesi “Jo!”

“Nuk kuptova pse më kërkuat dëshpërimisht që të isha pjesë e këtij paneli për Lindjen e Mesme”. Kjo ishte ndër fjalitë e para që kryeministri shqiptar Edi Rama tha gjatë aktivitetit të zhvilluar në kuadër të Konferencës së Sigurisë në Mynih, me titull: “Përtej konfliktit: Vlerësimi i rrugëve dhe pengesave që çojnë drejt paqes së qëndrueshme në Lindjen e Mesme”, pasditen e së shtunës (15.02).

Lufta në Gazëdhe konflikti Izrael-Palestinë ishte tema e këtij takimi, në të cilin njerëz nga politika, bota akademike, shoqëria civile dhe media kishin mbushur thuajse të gjithë sallën në “Amerikahaus” në Mynih.

Në panel ishin lajmëruar si folës edhe kancelari austriak Alexander Schallenberg dhe ministri i Jashtëm i Arabisë Saudite, Faisal Bin Farhan Al Saud, të cilët e anuluan ardhjen në çastet e fundit dhe u zëvendësuan nga politikani gjerman Armin Laschet, i partisë CDU dhe ish-kryeministri i Libanit, Najib Mikati.

Paneliste ishte edhe Suzanne Maloney, zëvendëspresidente dhe drejtuese e programit të Politikës së Jashtme “Brookings Institution” në SHBA, eksperte e Lindjes së Mesme dhe kryesisht Iranit, njëkohësisht ish-këshilltare e rajonit për qeveritë republikane dhe demokrate në Shtetet e Bashkuara të Amerikës.

Palestinezë në Shqipëri?

Presidenti amerikan Donald Trump, tha pak ditë më parë gjatë një konference për shtyp se Shqipëria është në listën e vendeve që ai po merr në konsideratë për dërgimin e refugjatëve palestinezë.

“Asnjë nuk na ka pyetur nga administrata Trump por dhe nëse do të na pyesin – çka nuk është e logjikshme, sepse ne jemi në mes të Europës dhe si mund të vijnë tek ne qindra-mijëra vetë… – gjithsesi kjo është pjesë logjistike dhe ne jemi një vend i vogël. Por kjo nuk ka për të ndodhur, të paktën jo gjatë qeverisjes sime” – u shpreh Rama.

Duke sjellë në vëmëndjen e të pranishmëve mikpritjen e hebrenjve gjatë Luftës së Dytë Botërore, pranimin e 7 mijë muxhahedinëve dhe strehimin e afganëve që u larguan pas rikthimit në pushtet të talebanëve në vitin 2021 dhe që u strehuan në Shëngjin, ku ende vazhdon të jetë një pjesë e tyre – Rama deklaroi se situata me palestinezët është ndryshe.

“Ne na vjen shumë keq për këta njerëz të cilët janë viktima të një prej diktaturave më të egra që ka ekzistuar ndonjëherë, që është Hamasi, por ne nuk jemi pjesë e kësaj historie dhe nuk do të jemi kurrë” – deklaroi Rama, duke theksuar se edhe shifrat kanë rëndësi.

Ideja e Trumpit për strehimin e palestinezëve në vende të ndryshme të botës shihet si diçka krejtësisht e gabuar edhe nga Suzanne Maloney. “Nuk është aspak normale që këta njerëz të largohen me forcë nga toka e tyre” – u shpreh ajo.

“Nga dega në degë”

Ish-kryeministri libanez Mikati tha se “BE-ja ka lënë një vakuum shumë të madh në Lindjen e Mesme” dhe se drejtuesit e BE-së duhet të jenë më të pranishëm në rajon. Laschet nga ana e tij komentoi se “Evropa nuk mund të ndihmojë, por duhet të jetë pjesë e procesit”.

Rreth një muaj më parë, ministrja e Jashme gjermaneAnnalena Baerbock vizitoi Sirinë, vend i dalë nga një luftë e gjatë dhe pushteti shtypës i Bashar Al-Asad. Ky takim u soll si shembull pozitiv i rolit dhe mbështetjes evropiane në Lindjen e Mesme, gjë për të cilin Rama, nuk ra dakord.

E teksa Laschet mbrojti rolin e Gjermanisë dhe Bashkimit Europian në rajon, Rama habiti të gjithë të pranishmit në sallë duke e reduktuar kryediplomaten gjermane tek pamja e saj e jashtme. “Ajo është e bukur” ishte komenti i Ramës për vizitën e ministres Baerbock në Siri.

Pjesën më të madhe të kohës së panelit kryeministri shqiptar e kaloi duke dalë krejtësisht nga tema. Rama u përqendrua sërish tek BE-ja dhe duke ironizuar mënyrën e funksionimit të saj, tha se BE-ja është një strukturë e cila sipas tij “shpik çdo javë normativa dhe rregullore të reja”.

Rama madje mori herë pas here rolin e moderatorit, duke mos i lënë shumë hapësirë për të folur moderatores së vërtetë të seksionit, Mayssoun Zein Al Din, e cila jo rrallëherë u vu në siklet prej injorimit që ai i bëri shpeshherë gjatë bisedës, ku të tjera pyetje i bëheshin dhe të tjerave u përgjigjej./DW

Indriti është eliminuar mbrëmjen e djeshme nga gara për çmimin e madh. Në intervistën në studio, i pyetur se çfarë nuk shkoi si duhet gjatë rrugëtimit të tij në këtë format, ish-banori u shpreh se vendosi të qëndronte pak i stepur pasi nuk dëshironte të dilte nga vetja gjatë debateve në të cilat nuk kurseheshin as familjarë e as sendet personale në shtëpi.

Mbrëmjen e djeshme në Big Brother VIP Albania 4 janë futur 4 banorë të rinj.

Këta janë banorët që do bëhen pjesë e garës: këngëtari Kelly, një artist si Vserlo; Rizarta, modele dhe Ola e cila më parë ka qenë pjesë e Për’puthen.

Ndërkohë Krisa e zgjedhur këtë javë si lidere e shtëpisë, ka pasur një avantazh në lojë; të zgjedhi se kë do të çojë në nominim për këtë javë; vajzat apo djemtë e shtëpisë?

Nga dhoma e rrëfimit, banorja ka zgjedhur grupin e vajzave duke përfshirë edhe veten.

Kështu, në televotimin e të martës shkojnë; Danja, Egli, Gerta, Livia, Loredana, Rozana, Valbona dhe Krisa.

Mbrëmjen e djeshme në Big Brother VIP Albania 4 janë futur 4 banorë të rinj.

Këta janë banorët që do bëhen pjesë e garës: këngëtari Kelly, një artist si Vserlo; Rizarta, modele dhe Ola e cila më parë ka qenë pjesë e Për’puthen.

A do të jenë ata në gjendje të ndryshojnë rrjedhën e lojës në shtëpi apo do të ‘thyhen’ përballë bllokadës së banorëve më të vjetër? Kjo mbetet për tu parë. Sidoqoftë një gjë është e sigurt, Ola mund të trazojë ujërat në shtëpi pasi ulja e saj shumë pranë Laertit nuk është pritur mirë nga Valbona.