Category: News

Po t’i kthehem pas viteve të shkollimit, kujtoj që (si shumë të tjerë) më interesonin vetëm rezultatet e mira në shkollë; ato ishin gjithçka! Kujtoj netët kur stërmundohesha vetëm që të arrija rezultatin maksimal në provim, të nesërmen!

Atëherë dukej se kjo ishte gjëja e duhur për t’u bërë por sot, unë nuk dua që im bir të sforcohet aq shumë, në moshën e tij. Mund t’iu duket e çuditshme por lermëni ta shpjegoj mendimin tim…

1. Askush, në gjithë vitet që erdhën më pas, nuk më ka pyetur ndonjëherë për rezultatet që kam arritur në shkollë. As punëdhënësit nuk më kanë kërkuar rezultatet e universitetit. Gjithë çfarë vlente për t’u plotësuar ishte kutia e ‘përvojës në punë’.

2. Kam harruar gjithçka që kam mësuar në shkollë.
E vija re që atëherë se harroja gjithçka që kisha mësuar, menjëherë pas provimit. Kur nisa të punoj kuptova që nuk kujtoja asgjë nga ato që kisha mësuar në shkollë dhe, mbi të gjitha, asgjë prej tyre nuk më duhej! Përveç të tjerash pata edhe një dilemë të madhe meveten; nuk po dija ku t’i aplikoja gjithë gjërat që kisha mësuar. Siç u kuptua më vonë, vitet e studimit nuk më dhanë asnjë përparësi; nuk isha as më e mirë e as më e zonja se njerëzit më pak të shkolluar.

3. Përpjekja për rezultate maksimale më dëmtoi shëndetin
Disa njerëz mund t’i kapin gjërat në ajër por unë nuk jam një prej tyre! Që t’i fiksoja leksionet më duhej të studioja shumë. Në kohën e provimeve studioja 12-15 orë në ditë. Ende më kujtohet se si më zinte gjumi gjatë leksioneve apo në mjetet e transportit publik, prej lodhjes. Për shkak të lodhjes produktiviteti im ra. Tani që i mendoj këto gjëra habitem me veten dhe teknikat e mia të studimit! Jam e sigurtë që nëse do të kthehesha pas, nuk do të bëja më të njëjtën gjë!

4. Nuk kisha kohë për njerëzit
Në universitet kisha mjaft mundësi për të krijuar marrëdhënie me njerëzit por isha tepër e zënë për ta bërë këtë gjë. Studimet rrëmbenin të gjithë kohën që kisha dhe nuk më mbetej kohë për jetën private. Humba mundësinë më të mirë për të krijuar miqtë që nuk kam ku I gjej më! Sot, shumë vite më vonë, kam vënë re që të gjithë studentët e shkathët e të socializuar, jo aq të përkushtuar pas studimeve, janë sot njerëz të rëndësishëm e me ndikim në shoqëri.

Këto janë këshillat që kam sot për fëmijët e mi, kur të nisin shkollën: 
-Ndryshimi midis vlerësimit me A apo B është kaq I pandjeshëm sa që nuk duhet të ndikojë në cilësinë e jetës!
-Janë aftësitë e tua ato që do të ndihmojnë për të paguar faturat dhe jo rezultatet e shkollës. 
-Një diplomë prestigjoze nuk do të të ndihmojë të kesh përparësi në jetë por miqtë me influencë, po! 
-Mos bëj gjëra për të cilat mendon se janë të pakuptimta! 
-Mos u mundo të përmbushësh pritshmëritë e të tjerëve!

Living/ Përshtatur me shkurtime nga Brightside 

Historia më e bukur shqiptare tashmë ka një emër ajo e një nëne e cila takohet me djalin e saj pas 41-vitesh. Top Channel ka goditur serish me moderatoren e dashur për publikun Arbana Osmanin.

Zonja Lula tregoi që ishte penduar shumë për veprimin që kishte bërë dhe se e kishte  kërkuar atë disa herë. “Fëmija është gjëja më e shtrenjtë në botë, pasi është gjaku yt.

Të kërkoj falje për çdo gjë, nuk do të të kisha lënë kurrë!”,- ishin fjalët e zonjës Lule teksa takonte për herë të parë djalin e saj pas 41 vitesh|”-kjo është historia e djaloshi.

Në nje postim ne instagram Emisioni dua te bej te lumtur ka treguar per fansat e tij se pas programit, Esmeraldi ka ftuar nënën e tij per te darkuar bashke me familjen. Emisioni ka shperndare dhe nje foto ku jane te gjithe te bashkuar.

Nis zyrtarisht zëvendësimi i deputetëve të cilët lanë mandatin, në radhët e opozitës.

Mësohet se nga Lëvizja Socialiste për Integrim, janë tre kandidatë të cilët kanë nisur procedurat për marrjen e mandatit.

Bëhet me dije se Enver Roshi kandidat në qarkun Elbasan, Aurora Mara kandidate në qarkun e Dibrës dhe Ylli Shehu kandidat në qarkun e Tiranës, kanë dorëzuar në Komisionin Qendror të Zgjedhjeve formularin e vetëdeklarimit.

Në këtë mënyrë ata pranojnë marrjen e mandatit të deputetit, çka pritet të vendoset dhe nga KQZ. Kujtojmë se Ylli Shehu ka qenë deputet në radhët e Partisë Republikane, por u largua nga ajo parti për t’iu bashkuar LSI.

Sakaq mësohet se në radhët e demokratëve janë katër kandidatë të cilët nuk kanë pranuar të refuzojnë mandatin.

Bëhet me dije se ata janë Lefter Maliqi, Ligoraq Karamelo, Erion Piciri dhe Selami Jenisheri.

Kjo është një nga të paktat bimë që përmban acid yndyror omega 3, i cili është i rëndësishëm për të ruajtur shëndetin mendor.

Ndër të tjera përmban beta-karotenë, vitaminë C, minerale si magnezi, potas, hekur dhe kalcium.

Po ashtu bima në fjalë, e cila quhet burdullak, përmban vitaminë B1, B2, B3, acid folik dhe fosfor. Në sajë të vetive të saj, kjo bimë shërben kundër dhimbjes së kokës, gjakderdhjes së mishrave të dhëmbëve, për të ndaluar hemorragjinë dhe për pastrimin e trupit. Gjithashtu burdullaku përmban një sasi të madhe uji dhe ka një shije të ngjashme me spinaqin, por pak më e ithët.

Mund të konsumohet si sallatë e gjallë, në byrek, por edhe e zier, shkruan noa.al.

Një mënyrë si mund ta konsumoni burdullakun, është ta shoqëroni me tre thelpinj hidhur, pak uthull molle dhe pak piper të zi. Burdullakun priteni në copa 2.5 centimetër dhe hidheni në një enë xhami. Shtoni sipër thelpinjtë e hudhrës të grirë imët dhe piperin.

Më pas shtoni uthull molle sa të mbulojë gjithë sasinë dhe mbylleni enën. Ruajeni në frigorifer për dy javë dhe më tej mund ta hani si një sallatë perfekte.

Kryetarja e LSI-së, Monika Kryemadhi u është përgjigjur deklaratave ndërkombëtare. Fleckenstein tha se, Zonja e Parë nuk duhet të pengojë negociatat.

Përmes një postimi në Facebook, Kryemadhi shkruan se:

“Shqipëria është shtëpia e shqiptarëve.
Ky është misioni ynë, asnjë hap pas.“

Nga Endri Kajsiu

Mjaftuan pak minuta, që tërësia e miteve të opozitës, si një kështjellë prej rëre të rrëzohej sot në Tiranë. E goditja, si rrallë herë, sade, e pasheqerosur dhe pa asnjë lexim për t’u interpretuar ndër rreshta, këtë herë vjen direkt nga Brukseli.

Pesë ishin mesazhet kyçe, të shqiptuara troç, pa asnjë tis diplomacie.

“Parlamenti është legjitim. Qeveria tranzitore nuk ka kuptim dhe dëmton hapjen e negociatave. Çështja e përgjimeve i takon gjykatës dhe jo Parlamentit, si dhe djegia e mandateve e dhuna janë të papranueshme”.

Një gjuhë e tillë shënon një ndarje të qartë nga tradita e gjatë e deklaratave të interpretueshme në të paktën dy mënyra, siç ka ndodhur me dhjetëra herë më parë me vendin tonë.

Siç ndodhte në rastin e negociatave, kur “vlerësoheshin arritjet e vendit në përmbushjen e reformave”, por “kërkohej një angazhim i shtuar deri në plotësimin e të gjithë kërkesave”.

Apo si në rastin e reformës në drejtësi, kur “kërkohej angazhimi i plotë i të gjitha palëve”. Deklarata këto të lexueshme sipas dëshirës, si “arritje të qeverisë” për ecurinë pozitive apo “dështim të saj”, për faktin që duhet ende punë.

Të detyrosh Europën të zhveshë kamuflazhin e saj diplomatik, i kthyer në një art “made in” Bruksel ndër dekada nuk është aspak e lehtë. Ndaj, ky është një tregues i qartë që qëndrimet e fundit të opozitës kanë derdhur kupë të mbushur që më përpara.

E kjo për tre arsye. Pikë së pari, Shqipëria, fiton rëndësi për Europën vetëm në një kontekst gjeostrategjik rajonal.

E në këtë kontekst, europianët dhe bashkë me ta amerikanët shohin jo vetëm një pikë të fortë influence në një rajon të antagonizuar nga influenca ruse, por edhe një vatër qëndrueshmërie, sepse një Shqipëri e trazuar lehtësisht trazon të gjithë rajonin për vetë faktin që sado të parëndësishëm në vetvete, historia ka treguar që magnitura e tronditjeve tona mund të rrezatojë edhe në Kosovë, Maqedoni e Mal të Zi, duke krijuar një efekt të panevojshëm domino.

Pikë së dyti, Europa në këtë moment ka nevojë për qetësi. Zgjedhjet e Parlamentit Europian në muajin maj do të jenë vendimtare për fatet e Bashkimit Europian, sepse këto zgjedhje do të konsakrojnë ose do të rrëzojnë përfundimisht platformat ekstreme të partive të ekstremit të djathtë, në rritje shqetësuese prej të paktën një dekade.

E së treti, lodhja e Brukselit shpjegohet me një sjellje të gjatë të pabindur të PD, partisë që në 2016-n votoi në Parlamentin Europian kundër hapjes së negociatave, e më pas vonoi për muaj të tërë, me teknikalitete reformën në drejtësi, kjo pak përpara se të sulmonte hapur ambasadoren e atëhershme të BE dhe SHBA-ve, e të tjera me radhë.

Ndaj, “zhveshja” e Brukselit sot motivohet edhte nga një ndienjë irritimi, ndaj një fraksioni politik të paaftë për të prodhuar një politikë të qëndrueshme dhe afatgjatë.

Vetëm një ditë më parë, një portal i njohur opozitar publikonte një editorial, i cili pretendonte se rrëzonte pesë mitet e “Rilindjes” për djegien e mandateve, duke pretenduar se rruga qorre e Bashës (thënë nga Brukseli) nuk pengon reformën në drejtësi, as integrimin, as dëmton demokracinë në vend, as investimet e huaja, duke treguar madje se opozita nuk kërkon pushtet në tavolinë, por është e shqetësuar mbi të gjitha për të mirën e demokracisë së brishtë shqiptare.

Pesë mite këto, që në ditën kur Basha u gdhi me bindjen se zgjedhjet e 2 viteve më parë ishin vjedhur, motivojnë që vendit t’i vihet zjarri.

Mite, të rrëzuara sot qartë nga një Bruksel i zhveshur nudo në Tiranë. Një Bruksel që i lodhur nga ne nuk merr më mundimin të sheqerosë deklaratat e tij, duke e thënë troç se kursi i tanishëm i opozitës, çon PD në një përplasje ballore me Europën, e si i tillë, do të përbënte një harakiri të paprecedent për PD dhe lakejtë e saj./Portali proqeveritar lexo.al/

Pak dite pasi ka fituar lirinë, Bajrakurti ka vendosur të flasë e të tregojë të vërtetën e kësaj ngjarje e cila e ktheu në protagonist të një ngjarje të shëmtuar.

Në videon e emisionit me zemer te hapur ai ka treguar gjithçka rreth kësaj ngjarjeje dhe si qëndron e verteta

Ky është Erkan Teodori djaloshi 14 vjeçar nga qyteti i Laçit, i cili ka provuar plot tre operacione në trupin e tij.

Nëna e tij Kimetja, shkruan një letër si apel për ndihmë për këdo që mundet ta ndihmojë pasi vogëlushi ka nevojë edhe për dy operacione të tjera.

‘Ky është Erkan Teodori, im bir 14 vjeçar, nga qyteti i Laçit, i cili ka provuar plot tre operacione në trupin e tij. Ai është diagnostikuar me ‘Spina Bifida’ e cila është një deformim i lindur në shtyllën kurrizore dhe në palcën kurrizore. Bëhet fjalë për një defekt të tubit nervor që shfaqet gjatë periudhës intrauterine. Ky lloj deformimi shfaqet gjatë muajve të pare të shtatzënisë (17-30 ditë) ku pjesa e pasme e shtyllës kurrizore nuk mbyllet plotësisht. Sinonimi më i zakonshëm i spina bifida copëtimi i palcës kurrizore ose palcë e hapur. Rreziku i këtij defekti është se nëpërmjet këtij copëtimi të kanalit të shtyllës kurrizore mund të dalë palca kurrizore. Kjo hapje mund të jetë e vogël dhe të vërehet gjatë regjistrimit në rengen (radiografi) të shtyllës kurrizore për shkaqe të tjera. Në rast se hapja është e madhe, vjen deri në intensifikimin e simptomave neurologjike duke shkaktuar edhe paralizë. Zakonisht shfaqet në pjesën e poshtme lumbale të shtyllës kurrizore’, sqaron nëna e vogëlushit.

Erkanit i duhen edhe dy operacione të tjera që gjendja e tij të ndryshojë. Janë dy operacione delikate që nuk kryhen në vendin tonë, ndaj prindërit e tij kërkojnë të shesin banesën e tyre, të grumbullojnë të ardhurat për të sjellë përmirësimin shëndetësor tek 14 vjeçari. Erkani është një djalë me karakter të fortë, por kjo sëmundje e rrallë, po na vështirëson dhe ne familjarëve gjendjen.

‘Mundohem t’i vij në ndihmë tim biri, i cili sa vjen dhe gjendja i vështirësohet.

Erkani nuk mund të lëvizë më pa ndihmën e një njeriu. Janë dy operacione që pret t’i nënshtrohet 14 vjeçari, por që nuk realizohen në klinikat shqiptare. Tre operacionet që ka kryer i dolën pa sukses në disa spitale në vendin tonë, ndonëse mjekët premtuan përmirësimin e tij. Ndërsa e vetmja shpresë është ajo në klinikat jashtë vendit, ku kërkohen goxha të ardhura, ndonëse kemi nxjerrë shtëpinë në shitje, përsëri nuk arrihet shifra për të kryer operacionin e Erkanit.

Unë apeloj tek Ministria e Shëndetësisë për t’i ardhur në ndihmë Erkanit në kryerjen e operacionit, pasi një vlerë e tillë është e pamundur të realizohet. E tillë është situata e familjes tonë nga Laçi, për të cilën kërkojmë nga institucionet dhe veçanërisht, nga kryeministri të na ofrojnë ndihmë për këtë operacion delikat në trupin e Erkanit”, thotë në letrën e saj e ëma.

Për këdo që mundet ta ndihmojë sadopak vogëlushin Erkan, newsbomb.al vë në dispozicion këtë numër kontakti që është numri i kryefamiljarit, Laimit.

0688289869

Patenta me pikë u lakua përpara implementimit si një formë efikase për t’i bërë më të përgjegjshëm drejtuesit e automjeteve. Projekti nisi zbatimin në vitin 2016. Të gjithë ata që kanë një leje drejtimi, kanë në sistem automatikisht 20 pikë. Kaq pikë do të kenë edhe të gjithë ata që do të marrin një leje drejtimi për herë të parë.

Penalizimi apo zbritja e pikëve do të bëhet nga Policia Rrugore, e cila do të raportojë heqjen e pikëve pranë Drejtorisë së Shërbimit të Transportit Rrugor.

Për shkeljet që janë të përsëritura brenda një viti është menduar që të ketë një ashpërsim të masës së pikëve që hiqen, duke kërkuar kështu disiplinimin e drejtuesve për të mos humbur pikët që kanë në lejen e drejtimit.

Për shembull, në rast se për tejkalimin e kufijve të shpejtësisë me më shumë se 20 kilometra në orë, herën e parë zbriten nga patenta 3 pikë, herën e dytë brenda vitit nga patenta zbriten 5 pikë. Ose, nëse në një rast kryqëzimi nuk i jep përparësi mjetit tjetër që vjen nga e djathta, zbritja e pikëve është zero herën e parë, nëse kjo përsëritet brenda vitit zbriten 3 pikë.

Por për ju që drejtoni një automjet dhe keni kryer shkelje ka një mundësi për të parë numrin e pikëve, që keni në lejen tuaj të drejtimit.

Për tu njohur me sasinë e pikëve që keni në Regjistrin Kombëtar të Lejedrejtimit duhet të ndiqni hapat si më poshtë:

– duhet të aplikoni në portalin qeveritar e-albania www.e-albania.al

–e-shërbime – kliko;

kërko “Pikët e drejtuesit të mjetit”- kliko

regjistrohu sipas të dhënave që kërkon portali (shiko figurat e mëposhtme për informacion ndihmës më të detajuar);

– shfaqet ikona “Përdor” – kliko;

do të afishohet gjendja e pikëve të lejedrejtimit tuaj sipas modelit të mëposhtëm