Ambasada Amerikane në Tiranë ka bërë një njoftim të rëndësishëm mëngjesin e sotëm për të gjithë qytetarët shqiptarë që janë të interesuar apo në pritje të vizave emigruese për SHBA.
Përmes një mesazhi në faqen e saj zyrtare, ambasada njofton se intervistat e vizave imigruese caktohen nga Qendra Kombëtare e Vizave në Shtetet e Bashkuara.
Nga ana tjetër ambasada sqaron se për kategori të tjera vizash, si në rastin e fëmijëve të martuar dhe vëllezërit e motrat, aplikantët duhet të presin me vite përpara se çështjes së tyre t’i vijë radha për intervistë.
