Një moment aspak i këndshëm i është shtuar dhimbjes së familjarëve që po përcillnin të ndjerin ditën e dielë, me nderimet e fundit në varrezat e Sharrës në Tiranë.
“Shqiptari.net ka mësuar se ditën e dielë pas mesdite, teksa në varrezat e Sharrës zhvillohej ceremonia mortore e një personi, punonjësit e Bashkisë, që ndihmojnë në këto raste për të futur arkivolin në gropë, janë treguar të pakujdesshëm dhe kanë shkaktuar një situatë të sikletshme për shumë persona të njohur dhe të panjohur që gjendeshin aty.
Në momentin që ata ngritën arkivolin me litar, ai u është këputur dhe trupi i të ndjerit ka dalë nga arkivoli duke rënë përmbys në baltë.
Ashtu të traumatizuar dhe të pataksur, të afërm të të ndjerit janë munduar ta vendosin sërish trupin në arkivol dhe janë kujdesur që procedura të mbaronte shpejt e shpejt, për të mos pasur një incident tjetër të frikshëm./
