Shumë praktika të paraqitura në zbatim të Dekretit të Ligjit 34/2020 ende nuk janë të mbyllura.
Arsyet mund të jenë të ndryshme: ngarkesa e Prefekturave por edhe mos komunikimi nga Questura dhe më rrallë nga Inspektorati i Punës.
Por duhet ditur se çdo procedurë administrative duhet të përfundojë me një vendim të shprehur nëpërmjet miratimit të një dispozite që duhet të nxirret brenda një afati maksimal të parashikuar me ligj (i cili, me disa përjashtime, është caktuar 30 ditë!).
Për të mësuar statusin e aplikimit tuaj, duhet të kontrolloni aplikimin tuaj në faqen e internetit të Ministrisë së Brendshme (https://nullaostalavoro.dlci.interno.it.), duke u identifikuar me kredencialet SPID të punëdhënësit.
Nëse nuk është marrë ndonjë përgjigje, është e mundur të kërkohet akses në dokumentet nga Prefektura kompetente, me email pec ose raccomandata a/r.
Nga ana tjetër, në rast se kjo është “në pritje të opinionit të Komisariatit të Policisë” ose të Inspektoratit të Punës, mund të kontaktohen direkt të dy administratat për të zbuluar arsyen e vonesës dhe më pas të kërkojnë transmetimin e saj në Prefekturë. .
Është gjithashtu e rëndësishme të dihet se dispozita përfundimtare, nëse është negative, duhet të parashikohet gjithmonë nga një komunikim që paralajmëron të ashtuquajturat arsye penguese, ose mungesën e kushteve.
Në rastin e sanatorias, këto arsye mund të kenë të bëjnë (për shembull): të ardhura te mjaftueshme nga punëdhënësi, praninë e dënimeve ndaj punëdhënësit ose punëtorit të huaj, mungesën e dëshmisë së pranisë në territor në 8 mars 2020.
Komunikimi përmban gjithmonë njoftimin se i interesuari (në këtë rast punëtori dhe punëdhënësi) mund t’i bashkëngjisë dokumentacionin për tu mbrojtur, të cilat Prefektura duhet t’i marrë parasysh për vendimin përfundimtar.
Artikull i bërë për të Stranieri in Italia nga: Federica Merlo, avokate perktheu shqiptari.net
