Rritja e shumtë e rasteve të reja me koronavirus kanë detyruar autoritetet francze t’iu rikthehen masave shtrënguese për të parandaluar përhapjen e mëtejshme të pandemisë.
Para dy ditesh presidenti francez Macron deklaroi një izolim të dytë kombëtar, i cili parashikon mes të tjerash dhe ndalimin e levizjes se personave mes rajoneve.
Ashtu si në fazen e pare, Macron bëri me dije se masat e reja do të hyjnë në fuqi nga dita e premte dhe se njerëzit do të lejohen të dalin nga shtëpitë e tyre vetëm për arsye madhore dhe shëndetësore.
Bizneset jo të domosdoshme, si restorantet dhe baret do të mbyllen.
Jetet e humbura nga koronavirusi në Francë arritën në 500 në ditën djeshme prandaj autoritetet janë të vendosur të bëjnë gjithçka për të parandaluar përshkallëzimin e mëtejshëm të situatës.
