“Për mua je Miss, jo gazetare”, presidenti i FSHF sherri në emision me Hygerta Sakon, moderatorja nuk ia përton, ja si ia kthen

596
0

Presidenti i FSHF-së, Armand Duka është ‘përplasur’ me moderatoren e emisionit sportiv ne RTSH, Hygerta Sako teksa flitej për bojkotin e Ligës Profesioniste dhe presidentëve të Superligës.

Ai tha se kjo që po ndodh tani nuk është një luftë mes futbollit dhe qeverisë apo kryeministrit Rama, por një kërkesë për të përmirësuar sportin.

I ftuar në emisionin “Java” në “Rtsh”, Duka është shprehur se ky është një bojkot i cili është zgjedhur nga vetë klubet, që duan plotësimin e kërkesave, teksa shton me tej se nuk ndihet fajtor për eliminimin e Tiranës.

Presidenti Duka iu shmang pyetjes nëse ndihej fajtor për humbjen e Tiranës duke thënë se “për mua Hygerta është më shumë Miss se sa gazetare”.

Kjo bëri që moderatorja t’i përgjigjej menjëherë duke i thënë “unë nuk jam e bukur, por jam gazetare prej 25 vitesh”.

Hygerta Sako: Humbja e Tiranës është faji juaj për shkak të bojkotit?

Duka: Eha këto janë muhabete për interesa të personave në veçanti. Për mua Hygerta është më shumë Miss se sa gazetare.

Hygerta Sako: Ju i shmangi gjithmonë pyetjeve dhe duket se i keni mësuar përmendësh këto gjëra. Unë nuk jam e bukur, por jam gazetare prej 25 vitesh.

Duka: Nuk e di kush i bën këto pyejte, por këto janë tema specifike. Nëse do të kishim luajtur do të thonin që ishin të lodhur, tani thoni u eleminuan nga bojkoti, por për mua Tirana bëri sukses.

Hygerta Sako: Ju nuk ndiheni në faj për humbjen e Tiranës?

Duka: Nuk ndihem aspak fajtor, pasi për mua Tirana arriti sukses në Europë.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.