Perspektiva për të blerë një shtëpi të lirë në Itali, për disa është një shans për të lënë jetën e tyre të vjetër prapa dhe për tja filluar nga e para.
Por qyteti i fundit që po ofron shtëpi me një çmim pak më shumë se një euro dëshiron që blerësit ta sjellin ‘jetën e tyre’ me vete, duke inkurajuar kështu familjet ose grupet e miqve të blejnë sa më shumë prona.
Bisaccia, një destinacion piktoresk në rajonin jugor të Campania të Italisë, po hedh në treg 90 ndërtesa të rrënuara për një euro, duke u bashkuar me vendet e tjera në të gjithë Italinë që po përpiqen të shpëtojnë komunitetet që po shuhen duke nxitur njerëzit që të lëvizin atje.
Për dallim prej qyteteve dhe fshatrave të tjerë që ofrojnë marrëveshje për njerëzit që kryejnë një rinovim të njëfishtë, zyrtarët e Bisaccia thonë se arkitektura e saj e ngurtë i lejon vetes projekte pak më shumë komunale.
Siç ndodh zakonisht me ofertat e volitshme të shtëpive italiane, blerësit pritet të angazhohen për rinovimin e pronave të tyre të blera rishtas, por ndryshe nga qytetet e tjera, nuk ka asnjë nivel të deklaruar investimesh ose kornizë kohore për të përfunduar punën.
Aseti fitues i Bisaccia është se autoritetet lokale zotërojnë të gjitha shtëpitë boshe të braktisura vite më parë nga banorët që ikën në kërkim të një të ardhme të ndritshme. Në shumicën e qyteteve të tjera italiane që ofrojnë shtëpi me një euro, transaksioni ndonjëherë përfshin marrëdhënie të ndërlikuara me pronarët origjinal.
Vendasit kanë një reputacion për të qenë njerëz miqësorë dhe dashamirës, të cilët kënaqen duke i dhënë njëri-tjetrit pseudonime të lezetshme bazuar në tipare personale dhe zakone. Banorët e Bisaccia zbresin nga fiset italiane të Samnitëve që banonin në kodrat përreth dhe luftuan ashpër kundër Romës Perandorake përpara se të kapitullonin. Legjenda thotë që Bisaccia është ndërtuar në hirin e qytetit antik mitologjik të Samnites, Romulea. (CNN) E. S / SCAN
