New York Post: Blinken ndërhyri në zgjedhjet në Shqipëri, lidhjet me George Soros

95
0

Media amerikane “New York Post” në një artikull të botuar shkruan se Sekretari amerikan i i Shtetit, Antony Blinken, akuzohet për ndërhyrje në zgjedhjet shqiptare në emër të financierit miliarder George Soros dhe si rezultat është paditur për shpifje në një gjykatë ndërkombëtare.

“Sikur Sekretari i Shtetit Antony Blinken të mos ishte përfshirë mjaftueshëm në debate të huaja, ai tani akuzohet për ndërhyrje në zgjedhjet shqiptare në emër të financierit miliarder George Soros dhe si rezultat është paditur për shpifje në një gjykatë ndërkombëtare”, thuhet në nisje të artikullit.

Një nga veprimet e para të Blinken pas marrjes së detyrës, vitin e kaluar, ishte sanksionimi i ish-presidentit dhe ish-kryeministrit të Shqipërisë, Sali Berisha, aleati antikomunist i Presidentit W. Bush, që është një kundërshtar i zëshëm i Soros dhe Fondacioneve të tij të Shoqërisë së Hapur, i cili ka shtyrë “reformën” gjyqësore dhe zgjedhore në Shqipëri.

Në një deklaratë zyrtare dhe një postim shoqërues në Twitter prillin e kaluar, Blinken pretendoi se Berisha është “i korruptuar” dhe se kishte “minuar demokracinë në Shqipëri” dhe e ndaloi atë, gruan dhe dy fëmijët e tij të hynin në SHBA.

Berisha i mohon me forcë akuzat, në qëndrimin e tij është shfaqur i indinjuar që Blinken nuk ka dhënë kurrë asnjë provë për përfshirjen e tij në korrupsion dhe pretendon se qeveria amerikane po përpiqet të mbështesë qeverinë shqiptare socialiste të kryeministrit aleat të Soros, Edi Rama. Berisha ka nisur një aksion shpifjeje kundër sekretarit Blinken në një gjykatë në Paris. Ndërkohë vitin e kaluar, gjykata e Parisit ra dakord të shqyrtonte padinë e ish-kryeministrit Berisha.

“Asnjëherë në jetën time nuk jam akuzuar nga një person apo një institucion për korrupsion”, tha Berisha në telefon nga kryeqyteti shqiptar, Tirana. “E kundërta ishte e vërtetë. Kam punuar shumë ngushtë me qeverinë amerikane në luftën kundër korrupsionit.”

Problemi me Sorosin

Berisha thotë se sanksionet janë hakmarrje për përpjekjen e tij për ta shpallur Sorosin “person non grata” në Shqipëri, pasi u shqetësua për ndikimin keqdashës të Fondacioneve të Shoqërisë së Hapur të Soros në Shqipëri.

“Unë kurrë nuk kam pasur një problem personal me George Soros. Së pari ai e ndihmoi Shqipërinë që të kishte shoqëri civile dhe unë i isha falënderues por grupi Soros diktoi gjithçka. Pra, tani kemi një sistem drejtësie, të kontrolluar totalisht nga qeveria. . . Drejtuesit e institucioneve të drejtësisë, në kundërshtim me ligjet kushtetuese, për momentin janë ish-prokurorë komunistë”.

Berisha, një kardiolog që udhëhoqi lëvizjen për të rrëzuar diktaturën komuniste të Shqipërisë, shërbeu si presidenti i parë jokomunist i Shqipërisë nga viti 1992 dhe më vonë si kryeministër dhe lider i opozitës.

Kongresmeni republikan i Nju Jorkut, Lee Zeldin ka kërkuar tre herë që Blinken të sigurojë prova për të mbështetur akuzat e tij për korrupsion kundër Berishës. Gjatë një takimi të Komitetit të Punëve të Jashtme të Dhomës së Përfaqësuesve qershorin e kaluar, Zeldin tha se masa erdhi “me sa duket nga askund”.

Zeldin tha se Berisha “ishte i njohur gjithashtu si një kundërshtar i George Soros.

E papranueshme dhe e dyshimtë

Matt Palumbo pretendon në librin e tij të ri “The Man Behind the Curtain: Inside the Secret Network of George Soros” se Blinken ka lidhje familjare me Soros.

Ai thekson faktin se babai i sekretarit të shtetit, Donald Blinken, ish-ambasadori i SHBA-së në Hungari dhe gruaja e tij Vera financuan Arkivat e Shoqërisë së Hapur të Vera dhe Donald Blinken në Universitetin e Evropës Qendrore në Budapest, i cili u themelua dhe financohej nga Soros.

Palumbo citon gjithashtu një raport të Rrjetit të Fondacioneve Soros nga viti 2002, në të cilin Donald Blinken renditet në Bordin e Administratorëve të universitetit, me Soros si kryetar.

Pasi Antony Blinken u konfirmua si sekretar i shtetit, gazeta hungareze Magyar Nemzet e quajti atë “lajm të madh për George Soros”.

Në nëntor, Zeldin i shkroi përsëri Blinken duke kërkuar që ai të justifikonte veprimet e tij në Shqipëri.

“Kjo është kërkesa ime e tretë për informacion shtesë për Sekretarin Blinken që nga ngritja e çështjes së sanksionimit të Sali Berishës “, shkroi Zeldin. “Kongresi luan një rol të rëndësishëm mbikëqyrës për degën ekzekutive duke përfshirë Departamentin e Shtetit, megjithatë zyra ime ka marrë jashtëzakonisht pak detaje në përgjigje të pyetjeve të mia. Është e papranueshme dhe e dyshimtë që Departamenti i Shtetit nuk e ka përmbushur mjaftueshëm këtë kërkesë për informacion shtesë në kohën e duhur dhe në vend të kësaj ka zgjedhur të ngadalësojë një kërkesë të Kongresit për transparencë.”

‘Blinken duhet të bëjë transparencë. Nëse ka prova se Berisha është i korruptuar, duhet t’i bëjë publike. Përndryshe, reputacioni i Amerikës dëmtohet”.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.