Ndryshon terminali i aeroportit te Rinasit, hiqet kontrolli i pasaportave nga polici (FOTO)

679
0

Terminalit të aeroportit te Rinasit iu shtuan sot 5 mijë metra katrorë, pothuajse  një terminal i ri sipas zëvendëskryeministres së re dhe njëkohësisht  ministres së Transportit dhe Infrastrukturës Belinda Balluku, të ndërtuar gjatë muajve të fundit për t’u përballur me fluksin e turistëve.

Në përurimin e infrastrukturës, që parashikon edhe disa risi si leximi digjital i pasaportave, ishte i pranishëm edhe kryeministri Edi Rama dhe Ministrja Balluku.

Kryeministri ka inspektuar edhe vendqëndrimet e avionëve, ndërsa kur kaloi pasaportën e tij në shërbimin elektronik të identifikimit pyeti Nanon: “Aty te e-Gates nuk ka më kontroll nga polici, vetëm me sy? S’ka më jo po shih se”.

Balluku shtoi se tashmë terminali i Rinasit “nuk ka asnjë ndryshim me terminale të tjera në Europë”, dhe se paralajmërohen punime të tjera si veshja dhe zgjatimi i pistës që do të shndërrojë “ Nënë Terezën” në një aeroport të kategorisë 4E, që mundëson edhe fluturimet transoqeanike, diçka që do të synohet sipas ministres edhe në aeroportin e Vlorës në ndërtim.

Sipas kryeministrit Rama, “terminali u ndërtua në kohë rekord sepse po përballej me një presion të jashtëzakonshëm, investim i munguar prej shumë vitesh për shkak të një marrëveshjeje të mëparshme me shumë probleme, me një kompani që nuk i qëndroi korrekt detyrimeve”.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.