Ndodh e papritura/ Zhduket raporti i OBSH-së per Italine

291
0

Një raport me fakte te mbledhura i OBSH për Italinë thotë se përgjigjja e parë e vendit ndaj pandemisë së Covid-19 ishte “e improvizuar” dhe “kaotike”. Por ky raporti është zhdukur nga faqja e organizatës dhe zyrtarët nuk japin hollësi. Fillimisht dokumenti u publikua më 13 maj.

Përgjigjja e parë e Italisë ndaj pandemisë së Covid-19 ishte “e improvizuar” dhe “kaotike” sipas një raporti të Organizatës Botërore të Shëndetësisë që më pas u zhduk nga faqja e organizatës vetëm disa orë pas publikimit në muajin maj të këtij viti.

Hetimi për raportin e titulluar “Një sfidë e paprecedentë, përgjigja e parë e Italisë ndaj Covid-19”, u krye nga një grup pan-europian shkencëtarësh të drejtuar nga italiani Francesco Zambon.

Fillimisht dokumenti u publikua më 13 maj dhe më pas u tërhoq nga OBSh-ja pa dhënë ndonjë shpjegim për këtë.

Dokumenti prej 102 faqesh thotë se qasja e Italisë ndaj politikave të shëndetit publik, vonesa në testimin dhe gjurmimin e rasteve të infektimit me Covid-19, kontribuoi në përkeqësimin e gjendjes në fazën e parë të pandemisë.

“Të papërgatitur për një valë pacientësh kaq të sëmurë, reagimi fillestar i spitaleve u improvizua, kaotik dhe krijues,” thekson raporti dhe shton se planet e qeverisë për përgjigjen ndaj pandemive ishin përditësuar që në vitin 2016. Dyshohet se përkeqësimi i gjendjes erdhi edhe si pasojë e pavarësisë së tepërt që kanë rajonet nga qeveria qendrore.

Zyra e OBSh-së për Europën i tha gazetës britanike Financial Times, se “raporti u tërhoq për gabime statistikore” por refuzoi të japë më shumë hollësi.

Por autori kryesor, Zambo, e sfidoi OBSh-së dhe tha se para publikimit, raporti kaloi në disa shkallë kontrolli. Rezulton se raporti është miratuar dhe publikuar fillimisht më 13 maj në Gjenevë.

Për shkak të numrit të lartë të jeteve te humbura, prokurorët e Bergamos, epiqendrës së shpërthimit të valës së parë të Covid-19 në Itali, janë duke hetuar nëse autoritetet në nivel vendor apo qendror gabuan në menaxhimin e gjendjes së krijuar, duke ndikuar përkeqësimin.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.