Ndahet nga jeta ish-ministri shqiptar

238
0

Është ndarë nga jeta ish-ministri i Punëve të Çështjeve Sociale gjatë qeverisë Berisha, Kosta Barka. Lajmi është bërë i ditur nga deputeti Tritan Shehu.

“Kosta Barka nuk eshte me midis nesh!
Humbem te gjithe se bashku nje njeri me cilesi, karakter, vlera te vecanta.
Humbem nje mik te pa zevendesueshem.
Nje shtetar, deputet e minister me ndershmeri te ralle!
Nje politikan konseguent, me principe e parime te qarta e te pa lekundeshme.
Nje demokrat te oreve te para, simbol i qendreses e vizionit progresiv.
Nuk e humbi vetem Dropulli, as vetem Gjirokastra…
E humbi PD e gjitha.
E humbem te gjithe!
Ngushellimet me te sinqerta familjes, miqve, te afermve e komunitetit te tij, te gjitheve!
Ta kujtojme gjithmone ashtu si ishte!”, thuhet në mesazhin e Shehut.

Nga viti 2005 deri në 2008 ai shërbeu si Ministër i Çështjeve Sociale dhe Shanseve të Barabarta në qeverinë e Sali Berishës, duke përfaqësuar Unionin për të Drejtat e Njeriut (UHRP), një parti e minoritetit etnik grek. Ai u zëvendësua në tetor 2008 nga një anëtar tjetër i së njëjtës parti, pas një mosmarrëveshjeje brenda partisë.

Në maj të vitit 2009, Barka u vu nën hetim për shpërdorim detyre, i akuzuar për keqpërdorim fondesh dhe donacionesh për një OJQ që drejtonte një shkollë për fëmijët e familjeve të kapur në gjakmarrje, në qytetin e Poliçanit, pranë Beratit.

Nga viti 2011 e në vazhdim ka shërbyer si deputet i Partisë Demokratike të Shqipërisë në Kuvendin e Republikës së Shqipërisë.