Ditëve të para të javës një vorbull ciklonike nga Mesdheu do të kaloj mbi rajonin tonë, duke kushtëzuar mot kryesisht të vranët dhe me shi. Ndërkohë, rryma të ngrohta ajrore nga Afrika veriore gradualisht do të sjellin rritje të temperaturave, sidomos në pjesën e dytë të javës.
Në ditët e para të javës, bazuar nga shënimet sinoptike, nuk parashihet qarkullim i mjaftueshëm ajror, kështu që vlerat ditore të AQI, mund të mbeten të larta, dhe do të luhaten kryesisht në mes vlerave mesatare dhe të pashëndetshme.
