Eneda Tarifa është një ndër këngëtaret më të komentuara të showbizzit shqiptar, jo vetëm për suksesin e saj si këngëtare por edhe për jetën e saj private sidomos pas ndarjes së saj nga ish bashkëshorti
E ftuar pak ditë më parë në televizionin Ora News në emisionin “ThumbOn” ajo u pyet shumë nga dy moderatoret e njohura Aulona Musta dhe Fatma Haxhialiu për jetën e saj private.
Tashmë është e njohur se këngëtarja i ka dhënë fund lidhjes me ish-bashkëshortin e saj me të cilin kanë edhe një vajzë, Aria.
Mirëpo në intervistë ajo tregoi se edhe pas disa vitesh të ndarë ata vazhdojnë të ruajnë kontaktet dhe të kenë raporte të mira me babain e vajzës.
“Marrëdhënia jonë është tepër e mirë shoqërore. Kujdesemi për vajzën në mënyrë të barabartë dhe sigurisht në eventet e saj më të rëndësishme ne jemi atje që të dy”- tha Eneda.
Ndërsa e pyetur për një lidhje të re në jetën e saj, ajo u shpreh se për momentin nuk i duhet asnjë në jetën e saj.
“Jo. Kam përshtypjen që nuk dua njeri për momentin në jetën time. Fare. Kam shumë gjëra për të bërë tani.”- tha këngëtarja.
