Greqia e ben fakt te kryer, prezanton hartën e re të detit

223
0

Ministri i Jashtëm grek Nikos Dendias i ka parashtruar diten e sotme , Sekretarit të NATO-s Stoltenberg dhe ministrave të Jashtëm të mbledhur në Berlin projektligjin grek për zgjerimin me 12 milje në Detin Jon.

Ministri grek u tha gazetarëve se për këtë vendim ka njoftuar zyrtarisht Bashkimin Europian dhe Kryeministrin shqiptar Edi Rama. Kjo çështje ishte në fokus të bisedimeve në Berlin, sipas tij.

Dendias tha se Greqia në këtë mënyrë do të ushtrojë një “të drejtë sovraniteti të patjetërsueshme” në përputhje me nenin 3 të Konventës për Ligjin e Detit si dhe aplikimin e vijës mesatare, ku distanca midis dy brigjeve është më pak se 24 milje.

Marrëveshjet e fundit për ndarjen e kufijve detarë të Greqisë me Egjiptin dhe me Italinë u miratuan sot nga parlamenti grek. Për Dendias, këto marrëveshje kanë rëndësi të madhe historike dhe politike.

Dendias pritet të zhvillojë shumë shpejt një vizitë në Tiranë për të komunikuar me autoritetet shqiptare për ndarjen e kufirit detar.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.