Monedhat e huaja e kane nisur muajin maj me nje rënie të lehtë, në raport me monedhën kombëtare lek. Sot referuar kursit të këmbimit një euro është këmbyer për 123 lekë, duke zbritur lehtë nga një ditë më parë ku sipas Bankës së Shqipërisë euro këmbehej me 123.49 lekë. Po ashtu edhe dollari ka pësuar rënie pasi sot 1 dollar është blerë nga tregtarët me 112.2 lekë ndërkohë që një ditë më parë u këmbye me 113.55 lekë. Ndërsa paundi nga 141.9 që u shit nga qytetarët dje, ndërsa sot zbriti në 139 lekë.
Por luhatjet në kursin e këmbimit kanë qenë të vazhdueshme që prej datës 20 mars 2020, dhe arriti kulmin më datë 30 dhe 31 mars ku një euro u këmbye me mbi 131 lekë. Ndërsa në muaji prill monedhat e huaja ju rikthyen përsëri nivelit që kishin përpara përhapjes së pandemisë COVID-19, pasi euro tashmë po këmbehet me 123 lekë ndërsa në fillim të muajit mars ajo shitej dhe blihej me 122-123 lekë. Ndërsa në fillim të muajit prill euro këmbehej mbi 129, 130 lekë.
Rritja e euros menjëherë pas bllokimit të shumë aktiviteteve ekonomike për të mos lejuar përhapjen e COVID-19, nga ekspertët u konsiderua si artificiale dhe se u ndikua drejtpërsëdrejti nga mungesa e të hyrave valutore në vend.
Ndërkohë nga ana tjetër edhe niveli ku ndodhen aktualisht monedhat e huaja nuk mund të quhet i stabilizuar për shkak se situata ende nuk është normalizuar, dhe mungesa e punës mund të çojë edhe në rënie më të thellë të valutave pasi qytetarët po shpenzojnë rezervat valutore.
