Kryeministri Edi Rama është shfaqur tepër i prekur madje i përlotur, këtë të hënë emisionin “Studio e Hapur” lidhur me periudhën kur Sali Berisha, hidhte akuza mbi atësinë e djalit të tij të madh Gregut.
Ai tregoi se e kishte gjetur të birin poshtë krevatit të tmerruar e nuk pranonte të dilte që atje.
“Ne do ta luftojmë krimin dhe drogën, me gjithë shqetësimet që iu shkaktohen familjarëve tanë dhe shqiptarëve të ndershëm me këto maskarada”, tha Rama.
Vasili: Kur thoni familjarët çfarë keni parasysh?
Kam parasysh djalin tim, që ishte fëmijë kur dola në fushatë elektorale dhe tha ky (Berisha në ekran) që ka akuzuar babanë e vetë për atësinë e të birit.
Kam parë djalin tim të tmerruar, që nuk dilte nga poshtë krevatit. Akuzat… overdozë, overdozë. Do t’i shkoj deri në fund kësaj pune, sepse unë e dua Shqipërinë. Unë nuk i ndahem këtyre deri sa njerëzit të më besojnë.
E keni biseduar me Gregun më pas?
S’kam pasur kohë sepse kanë vazhduar të tjera, e të tjera. Thjesht janë vetëm sakrifica dhe as nuk i qahem njeri dhe s’ia kërkoj njeriu. Po ju them pse jam unë këtu. Është e pamundur që ky vend të bëhet normal. Mos ki frikë, shife se ai të do ty… (I drejtohet Eni Vasilit që moderatorja të shihte foton e Berishës në sfond).
Edhe juve ju do…
E di e di.
Doja të dija nëse po bëni përpjekje për të ruajtur Zahon?
Ç’hyn Zaho këtu? Lëre atë se i del gogoli pastaj.