Teksa kanë mbetur edhe pak ditë nga zgjedhjet e përgjithshme në Itali, kandidatët e forcave kryesore po mundohen të fitojnë zemrat e elektoratit.
Ndërsa kreu i Partisë Lega, Matteo Salvini i është drejtuar emigrantëve shqiptarë duke kërkuar votën e tyre.
“I kërkoj shqiptarëve të zgjedhin Lega, të zgjedhin ndershmërinë, rregullat dhe punën”, ka thënë Salvini, por mediat në Itali i kanë sjellë në vëmendje deklartata e tij vite më parë kur gati tallej me Shqipërinë si vend kandidat i BE-së.
Më konkretisht, në vitin 2014 Salvini bënte thrirje që Shqipëria të mos pranohej në Bashkimin Europian. “Jo Europës supermarket”, shkruante ai në atë kohë teksa shqiptarët i kategorizonte si drogaxhinj dhe të dhunshëm.
