Duke filluar nga dita e sotme, e mërkurë 25 gusht, pritet të kemi ndryshim të kushteve meteorologjike.
Depërtimi i masave ajrore të paqëndrueshme do të sjellë mot me alternime vranësirash dhe kthjellime, këto më të përqëndruara në jug të vendit.
Reshje shiu me intensitet të ulët që në orët e para të mëgjesit në veriperëndim e gradualisht reshjet do të shtrihen edhe në pjesën tjetër të territorit.
Në mesditë reshjet fitojnë intensitet deri mesatar në veri dhe qendër ndërsa në jug priten reshje me intensitet të ulët.
Era parashihet të fryjë nga veriperëndimi me shpejtësi 1 deri në 8 m/sek, duke u shoqëruar me valëzim të forcës 1- 2 deri në ballë.
Temperaturat parashikohen: zonat malore 14°C deri në 30°C zonat e ulëta 16°C deri në 32°C zonat bregdetare 18°C deri në 33°C
