Emisioni investigativ “Stop” ka zbuluar se si nëpër farmaci shiten ilaçe të rrezikshme të cilat janë të ndaluar të përdoren jashtë kushteve spitalore.
Kamera e fshehtë ka fiksuar momentet kur në një farmaci, qytetari arrin të blejë medikamentin “Fentanyl”, i cili është 200 herë më i fortë se morfina dhe konsiderohet me rrezikshmëri të lartë nëse nuk përdoret në spital në mënyrë të kontrolluar.
Fillimisht farmacisti i kërkon qytetarit të lërë para kapar në mënyrë që t’ia porosisë medikamentin e ndaluar.
Më pas ia dorëzon atë, por i kërkon ta mbajë fshehur.
