Veshja e trashë e fëmijës, Lira GJika ka nje keshille per prinderit shqiptare

1171
0

Nëpër rrugët e Tiranës shikon nëna të veshura me mëngë të shkurtra, sepse kanë vapë, ndërsa fëmijët i veshin me xhupa dhe kapuç, pasi kanë frikë se fëmijët mund të sëmuren. Më mirë të veshur trashë se“nuk i gjen gjë”. Po a është e vërtetë kjo mënyrë të menduari, se po e veshëm trashë fëmijën i shpëton sëmundjeve?

Jo kjo nuk është e vërtetë. Veshja e trashë e bezdis fëmijën dhe është e dëmshme edhe në dimër e jo më në kohë të ngrohtë. Veshja është një “mjet” i shpikur nga njeriu dhe është një gjetje shumë inteligjente. Njeriu duke patur një trup të zhveshur, jo të mbuluar me gëzof si gjitarët e tjerë, nuk e ka të lehtë të përballojë luhatjen e temperaturës së ambjentit për të ruaj temperaturën e duhur, e cila duhet për zhvillimin e proceseve normale fiziologjike dhe jetike.

Njeriu me anë të veshjes ndihmon qëndrën trunore të temperaturës të funksionojë normalisht pavarësisht stinëve. Gjithashtu, një veshje jo e përshtatshme, pengon lëkurën në proceset e saj për mirëmbajtjen dhe ruajtjen e organizmit si fizikisht po ashtu edhe psikoemocionalisht. Veshja nuk mund të përdoret me idenë e frikës nga sëmundjet.

Veshja duhet të jetë e shëndetshme dhe e rehatëshme, në të kundërt, kthehet në një factor më shumë që ushqen bezdinë dhe frikën e njeriut nga natyra dhe jeta. Lira Gjika

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.