“Nuk hyni në Tiranë” ‘shtetrrethim’ për finalen. Nese nuk keni një biletë do te ktheheni qe ne autostrade..

202
0

Më datë 25 maj, ku pritet të mbahet edhe finalja e Konferencës së Ligës, Tirana do të jetë thuajse tërë ditën në shtetrrethim.

Ky vendim është marrë nga qeveria në kuadër të masave të marra për mbarëvajtjen e këtij eventi të madh sportiv, për herë të parë për vendin tonë.

Kreu i bashkisë së Tiranës, Erion Veliaj sqaroi për qytetarët se Tirana do të  hermetizohet dhe se do të përdoret i njëjti protokoll si ai i zbatuar gjatë vizitave të Presidentit Bush dhe Papa Françeskut.

“Qyteti do zbatojë të njëjtin protokoll që ka zbatuar dhe gjatë vizitës së Presidentit Bush e Papa Françeskut së fundmi, qyteti do të hermetizohet.

Do të thotë nëse nuk keni një biletë për të qenë ditën e ndeshjes s’do kaloni në asnjë prej disa kontrolleve të policisë në një perimetër jo vetëm të unazës së vogël por në akset e autostradat që hyjnë në Tiranë si ato që vijnë nga Elbasani e Durrësi”, tha Veliaj, i cili kërkoi edhe mirëkuptimin e qytetarëve të Tiranës që të mos e përdorin automjetin atë ditë, por të qarkullojnë në këmbë ose me biçikletë, teksa shtoi se transporti publik do të funksionojë.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.