Presidenti i SHBA Joe Biden ditën e sotme pritet që të udhëtojë drejt një qyteti pranë kufirit polako-ukrainas, duke u përpjekur të sinjalizojë vendosmërinë perëndimore kundër një pushtimi rus që është kthyer gjithnjë e më shumë në një luftë rrënqethëse.
Air Force One do të fluturojë në qytetin lindor polak të Rzeszoë, duke e sjellë presidentin amerikan më pak se 80 kilometra larg nga një komb i shkatërruar nga lufta që ende po lufton për të zmbrapsur një pushtim brutal rus.
Udhëtimi është projektuar për të nënvizuar gatishmërinë e Uashingtonit për të mbrojtur aleatët e NATO-s, pasi rritet frika se lufta njëmujore në Ukrainë mund të derdhet drejt perëndimit duke shkaktuar atë që presidenti amerikan e ka quajtur “Lufta e Tretë Botërore”.
Refuzimi i Kremlinit për të përjashtuar përdorimin e armëve bërthamore dhe një rrjedhë e vazhdueshme e dezinformatave ruse në lidhje me armët kimike dhe biologjike në Ukrainë e ka lënë Kievin dhe aleatët e tij të frikësuar nga një luftë dhe më të ashpër.
Rusia tashmë akuzohet për përdorimin e bombave me fosfor dhe granatimet pa kriter të zonave civile diçka që Shtetet e Bashkuara e kanë cilësuar si krim lufte.
Në këtë sfond, Biden do të takohet me anëtarët e Divizionit të 82-të Ajror të SHBA-së, pjesë e dislokimit gjithnjë e më muskuloz të NATO-s në krahun e saj lindor.
Në një samit urgjent në Bruksel të enjten NATO njoftoi vendosjen e trupave të tjera në Rumani, Hungari, Sllovaki dhe Bullgari, si dhe forcimin e mbrojtjes kimike dhe bërthamore në rast se Rusia zgjeron sulmin e saj përtej Ukrainës.
Në Poloni, Biden do të marrë gjithashtu një informim mbi situatën e rëndë humanitare në Ukrainë.
Udhëtimi i Biden vjen pasi Perëndimi përballet me pyetje urgjente se çfarë do të bëjë më shumë për të ndihmuar ata si Kravchuk që t’i bëjnë ballë sulmit rus.