Reperi i njohur Arkimed Lushaj, i njohur me emrin e artit “Stresi”, është shoqëruar nga uniformat blu të kryeqytetit.
Mësohet se ai mbahet i shoqëruar në Drejtorinë e Policisë së Tiranës.
Motivet përse “Stresi” është shoqëruar nuk dihen ende, ndërsa jo zyrtarisht burimet thonë se “këngëtari është duke u verifikuar”.
Ai është shoqëruar pas një kontrolli të ushtruar në banesën e tij.
Mësohet se mbrëmjen e sotme në orën 21:00 Stresi do të kishte koncert live në qytetin e Shkodrës.
Kjo nuk është hera e parë që Stresi do të kishte probleme me uniformat blu, pasi edhe më herët ai ka qenë i shpallur në kërkim për shkak se kishte gjuajtur me armë, dhe kishte kanosur.