Shqiptarët mblidhen në SHBA para ‘Shtëpisë së Bardhë’, i bëjnë kërkesën e madhe Donald Trump

1568
0

Ilir Meta foli pa dorashka disa ditë më parë, duke zbuluar planet e filantropit George Soros për Shqipërinë dhe lidhjet e tij me kryeministrin Edi Rama.

Meta tha se Soros po përpiqet që të kontrollojë të gjithë shtetin shqiptar. Ndërkohë Nova Media Albania njofton se më 7 korrik. shoqatat e shqiptarëve në Amerikë do të mbajnë një tubim përpara Shtëpisë së Bardhë.

Ata do t’i kërkojnë presidentit amerikan, Donald Trump, që të ndalojë aktivitetin e Sorosit në Shqipëri.

Duke qenë se Amerika ka ndihmuar Shqipërinë në raste të vështira, ata shpresojnë se edhe kësaj here, presidenti Trump do të ndërhyjë.

Në njoftim thuhet:

Ti kërkojmë Presidentit Trump të mos lejojë segmente të Fondacionit Soros të rikthejë komunizmin në Shqipëri!

Shoqëria Vatra dhe shqiptarët e Amerikës me shqetesim të thellë per situatën e ngjarjeve në Shqipëri, duke marrë në konsideratë përgjegjesinë qe diaspora shqiptare ka për atdheun e familjet tona që jetojnë në Shqipëri, duke vlerësuar si të patjetërsueshme lidhjen e fortë mes Shteteve të Bashkuara të Amerikës dhe popullit shqiptar, të karakterizuar nga ndihma e sinqeritë të SHBA në rastet më të vështira të kombit tonë, organizojnë të dielën më datë 7 Korrik ora 12:00 një thirrje drejtuar Presidentit Donald Trump.

Me besimin se angazhimi ynë si shqiptarë te Amerikës dhe Presidentit Trump si President i vendit më mik i popullit tonë, mund të arrijë të shpëtojë Shqipërinë nga spiralja e fr ikshme e kaosit ku është futur, ne do të tubojmë per të kërkuar dhe njëherë lidershipin e Presidentit te SHBA për Shqipërinë.

Sot eshte koha të angazhohemi e të kthejmë vëmendjen te atdheu ynë. Sot është momenti për te qenë të gjithë bashkë si shqiptarë, si bashkëkombas pranë shqiptarëve në Shqipëri që shpëtimin mund ta gjejnë vetëm te SHBA.

Shqipëria nuk mund të rikthehet në komunizëm prej synimeve të errëta të fondacioneve të huaja që kërkojnë pronësinë mbi atdheun që ekziston prej gjakut të të parëve tanë.

Le të bashkohemi ditën e dielë më datë 7 Korrik, ora 12:00, përballë Shtëpisë së Bardhë në Ëashington DC.

Zoti e bekoftë Amerikën, zoti e bekoftë Shqipërinë!

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.