Kryeministri Edi Rama ka uruar Giorgia Melonin për detyrën e re si kryeministre e parë grua e Italisë.
Në një postim në “Twitter”, Rama shkruan se Shqipëria i detyrohet shumë Itailsë dhe se me vendin fqinj na lidh një miqësi e vjetër.
“Urime gruas së parë të thirrur nga populli për të udhëhequr Italinë, një vend të cilit Shqipëria i detyrohet shumë dhe me të cilin na lidh një miqësi e lashtë dhe vëllazërore që ka frymëzuar gjithmonë marrëdhëniet mes qeverive tona. Paç fat Giorgia Meloni”, shkruan Rama.
Qeveria e Melonit u betua këtë të shtunë para Presidentit italian Sergio Mattarella.