Duke nisur nga pasditja e kësaj të hëne dhe deri ditën e nesërme pritet që i gjithë vendi të përfshihet nga reshjet e shiut dhe të dëborës.
Sipas Institutit të Gjeoshkencave reshjet priten të jenë të dobëta deri mesatare, ndërsa në veri lokalisht deri intensive.
Reshjet në formën e dëborës do të zbresin deri në 600m mbi nivelin e detit, ndërsa në veri-lindje në zona të kufizuara edhe më poshtë se ky nivel.
TEMPERATURAT
Nesër (e martë, dt.16) temperaturat minimale dhe maksimale të ajrit pritet të arrijnë:
në bregdet: 7 °C / 13 °C
në vendet e ulëta: 4 °C / 12 °C
në vendet malore: 0 °C / 7 °C.
ERA
Sot (e hënë, dt.15) era pritet të fryjë e lehtë deri mesatare, ndërsa nesër (e martë, dt.16) deri e fortë.
