Rudina Hajdari u jep fund dilemave: Në 25 prill do garoj me partine..

2077
0

Deputetja, Rudina Hajdari u ka dhene fund dilemave duke deklaruar se ajo do të marrë pjesë në zgjedhjet e ardhshme duke garuar me partinë politike ‘Nisma’. Deputetja tregoi se, mbetet për t’u diskutuar se cilat prej figurave të shoqërisë civile do të përfshihen.

“Padyshim që do të marrim pjesë, do të jemi me një lëvizje të re dhe kjo lëvizje të re tashmë e ka emrin e saj dhe e ka emrin ‘Nisma’. Në çdo qytet që kemi vajtur dhe kemi takuar njerëz kanë treguar shumë interes dhe ky shpërthim mediatik që krijoi janë e fundit na ndihmoi në mënyrën sesi reaguan njerëzit. Njerëzit janë të lodhur duke votuar 3-4 njerëz dhe tani duan diçka të re”, deklaroi deputetja.

Ajo tha më tej se, shoqëria civile “Nisma Thurrje” është diçka tjetër nga partia politike “Nisma”.

“Nuk kanë lidhje me njëra-tjetrën. Mbetet për tu caktuar në të ardhmen se cili prej tyre do të angazhohet dhe të kandidojnë në zgjedhjet e ardhshme. Ka pasur goxha kureshtje për mënyrë se si do të funksionojë”, theksoi znj. Hajdari.

Disa ditë më parë, pati një çarje mes marrëdhënies së Rudina Hajdarit dhe disa prej drejtuesve të ‘Nismës Thurje’, pas miratimit të Kodit të ri Zgjedhor. Sipas Pano Soko fakti që nuk pati zgjedhje të listave të kandidatëve ata nuk mund të garojnë në zgjedhje pasi ishte konceptuar tjetër garë brenda vetë partisë.