Holanda rifut një sërë masash anti-Covid pas rritjes së rasteve. Këtë e ka bërë të ditur kryeministri Mark Rutte. Ndër masat e paralajmëruara është kthimi në distancim social (një metër e gjysmë) dhe kthimi i detyrimit për të mbajtur maskë në stacionet hekurudhore.
Leja e gjelbër – deri tani kërkohet vetëm në restorantet e brendshme – do të jetë gjithashtu e detyrueshme për të hyrë në muzetë dhe zonat e jashtme të bareve dhe restoranteve.
Detyrimi për të mbajtur maskë do të shtrihet edhe për studentët e universitetit (kur lëvizin brenda instituteve) dhe për ata që punojnë në kontakt me njerëz, si parukierët. Puna inteligjente gjithashtu rekomandohet përsëri.
“Nëse nuk jeni të vaksinuar, mendojeni sërish”, nënvizoi Rutte duke njoftuar masat. Nga tani deri më 12 nëntor, qeveria holandeze do të monitorojë numrin e shtrimeve në spital dhe kujdesit intensiv dhe nuk përjashtohen kufizime të reja.