Qytetari me COVID-19 rrëfen për kaosin te Infektivi: Ma merrnin oksigjenin mua dhe ja jepnin..

572
0

Makinat e Ambulances që presin në radhë, si nga Tirana ashtu dhe nga spitalet e rretheve, madje edhe nga spitalet private.

Bombola oksigjeni që zëvendësojnë njëra-tjetrën gjatë pritjes së të sëmurëve me covid-19 në radhë brenda ambulancave dhe familjarë që me orë të tëra luten të lirohet ndonjë vend në mënyrë që të shtrojnë të afërmit e tyre.

Kjo është panorama prej ditësh në spitalin infektiv në QSUT, ku duket se kapacitetet janë ezauruar.

Një zonjë ka sjellë nga Spitali i Fierit ku prej ditësh ka qenë i shtruar bashkëshortin e saj, pasi spitalet e rretheve aktualisht nuk kanë pavijone për të sëmurët me covid. Duke pritur shtrimin ajo shprehet e shqetësuar pasi i sëmuri ndodhet me oksigjen në ambulancë:

“I ka dalë tamponi pozitiv. Ka qenë i shtruar, u kurua 5 ditë u bë mirë, se vajti shumë rëndë. Atje u kurua se i dolën mushkëritë e ngarkuara. Nuk mbajnë me Covid, atje nuk kanë repart”, tregon ajo.

Një pjesë e pacientëve të spitalit Infektiv, i transferojnë me ambulancë pranë Covid 3, ish spitalit të kirurgjisë brenda QSUT-së, por edhe aty, sipas infermieres, duhet të presin që dikush tjetër të dalë, pasi nuk ka vende.

Euronews Albania arriti të flas me një nga pacientët që po transferohej nga spitali infektiv drejt atij covid 3, I cili tregoi se edhe oksigjenin e ndanin me pacientët jashtë dhome.   

“Atje ku isha unë ata merrnin oksigjen nga mua ja jepnin tjetrit jashtë. Ishim dy veta në dhomë ne, nxirrnin oksigjen nga dhoma që isha unë ja jepnin tjetrit përjashta. Nuk kishe ku i montoje, kishte njerëz”, tregon ai.

Paralelisht me rritjen e numrit të rasteve aktive me Covid, është rritur edhe numri i shtrimeve në spital, ç`ka ka sjell vështirësi në menaxhimin e situatës jo vetëm për të sëmurët por edhe për stafet mjekësore.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.