Policia Rrugore e Tiranës si çdo fundjavë ka vendosur të ‘masakrojë’ shoferët. Vetëm në 48 orët e fundit policia ka vendosur 925 gjoba, ndërsa ka pezulluar 66 patenta e ka arrestuar 6 prej shoferëve.
Sipas policisë rrugore, harta e kontrollit është zgjeruar duke shtuar numrin e testeve të alkoolit të kryera si dhe kontrolli në pika të ndryshme me Radar, në drejtim të shpejtësisë në qendrat e banuara, por edhe në akset interurbane kryesore si ajo Tiranë-Durrës.
Gjate 48 orëve të fundit, si rezultat i kontrolleve të ushtruara, janë pezulluar 66 Leje Drejtimi, si dhe janë arrestuar 6 drejtues mjetesh, nga këta 4 për drejtim mjeti në gjendje të dehur dhe 2 për drejtim mjeti pa Leje Drejtimi.
