Plane për fundjavë, ja cfarë moti pritet të shtunën dhe të dielën

253
0

Tipike pranverore pritet të jetë kjo fundjavë në territorin shqiptar, me të gjitha karakteristikat, diell, vranësira dhe momente me pika shiu.

Sipas Meteoalb, më i rrezikuar nga rebeshet e izoluara këtë të shtunë janë jugu dhe juglindja e vendit.

“Pak më i favorizuar është Adriatiku, ku do ketë kthjellime, vranësira dhe momente me pika shiu. Ka një përmirësim të dukshëm dita e dielë, ku moti është i kthjellët pothuajse në të gjithë ultësirën perëndimore dhe vijën bregdetare”, thotë sinoptikania Lajda Porja.

Përgjatë fundjavës moti do të jetë kështu relativisht i freskët, me temperatura që nuk shkojnë më shumë se 26 gradë.

“Një atmosferë tipike pranvere, nuk është se kemi atë diellin përvëlues, por vranësirat janë prezente. Ky Maj na ngjason me majin e viteve ‘90, ku nuk kalojmë menjëherë me mëngë të shkurtra. Maksimumet luhaten 25-26 gradë”.