Pipero jep lajmin e mirë dhe apelon: Të hiqen masat kufizuese

278
0

Mjeku Pëllumb Pipero tha ditën e sotme se është ulur numri i të shtruarve në spitalin Covid 1, krahasuar me muajt e mëparshëm, ku po marrin trajtim 33 pacientë

Ai u shpreh për “Klan News” se në këtë spital fatmirësisht nuk ka asnjë pacient të intubuar, ndërsa apeloi për lirimin e masave kufizuese.

“Situata është mjaft e qetë, incidenca ditore e rasteve të reja të infektuara është mjaft i ulët, numri është i ulët, numri i të shëruarve është mjaft i madh. Raporti është të infektuar dhe të shëruar 1 me 20 ose me 30. Numri i të shtruarve në spital, prej ditësh neve kemi 1 ose asnjë rast në ditë. Në Covid 1 kemi të shtruar rreth 33 pacientë, nuk kemi të intubuar.

Jemi në kohën e duhur për të rishikuar masat, Komiteti i Ekspertëve besoj se e ka në konsideratë numrin e rasteve të infektuara në ditë, numrin e rasteve të shëruara, numrin e rasteve që vaksinohen çdo ditë, mundësinë e ekspozimit që është shumë e ulët, që kështu në këtë aspekt mendoj që ka ardhur koha se disa nga masat mbrojtëse duhet të rishikohen”, është shprehur mjeku infeksionist”, u shpreh mjeku Pëllumb Pipero.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.