Përlotet kreu i OBSH: Miqtë e mi, mos e bëni këtë gabim, armiku më i madh nuk është virusi…

5558
0

Me lot në sy, kreu i Organizatës Botërore të Shëndetesise, Tedros Adhanom Ghebreyesus, shprehet se armiku më i madh në pandeminë që ka përfshirë globin nuk është virusi, por përçarja mes shteteve.

I përlotur ai bëri thirrje për unitet ndërkombëtar në luftën kundër pandemisë dhe tha se “armiku i vërtetë nuk ishte vetë virusi por mungesa e udhëheqjes dhe solidaritetit në nivel global dhe në nivel kombëtar,” raporton ËP.

“Sa e vështirë është për njerëzit që të bashkohen për të luftuar një armik të përbashkët që po vret njerëz pa dallim? A nuk mund ta kuptojmë se ndarjet ose çarjet midis nesh në të vërtetë janë në dobi të virusit?”, tha ai në një konferencë në Gjenevë.

Ai u shpreh se sistemet shëndetësore të disa prej vendeve më të pasura në botë janë përmirësuar, ndërsa disa kombe me mjete më modeste kanë pasur sukses në ngadalësimin e përhapjes së virusit.

“Kjo pandemi një herë në një shekull na ka dhënë një mësim kritik: Kur bëhet fjalë për shëndetin, fatet tona janë gërshetuar”, tha ai.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.