Pasi iu rikthye kanceri i gjirit, aktorja e njohur përgatit funeralin e saj: Dua të jetë një festë dashurie

2002
0

Ylli i “Beverly Hills, 90210”, Shannen Doherty foli për dobësinë në betejën e saj kundër kancerit të gjirit në fazën 4 në episodin e fundit të podcast-it të saj.

“Kam shumë momente ku prirem të jem personi që qan vetë në një dhomë,”- tha ajo gjatë ‘Let’s Be Clear’ with Shannen Doherty, e cila përmban një bisedë midis Doherty dhe mikut të saj Chris Cortazzo.

Doherty u diagnostikua për herë të parë me kancer gjiri në vitin 2015, pas së cilës iu nënshtrua mastektomisë, kimioterapisë dhe rrezatimit. Në vitin 2017, Doherty njoftoi se ishte sëmurë, ku kanceri i gjirit i ishte kthyer dhe ishte në fazën e 4.

‘Unë 100% i kam ndjerë ato momente dhe uroja të ndodhte diçka ndryshe,’ tha Doherty, duke diskutuar tendencën e saj për t’u shfaqur e fortë në publik.

“Dua të jetë një festë dashurie”, tha aktorja, e cila gjithashtu tregoi se pse nuk do të donte që disa njerëz të shfaqeshin në ceremoni. 

“Unë jam ende gjallë, por… Natyrisht gjëja më e rëndësishme është se nuk dua të vdes shumë shpejt, sepse kam ende shumë gjëra për të realizuar”, tha ajo, duke renditur disa nga qëllimet që do të donte t`i arrinte që nga mbledhja e fondeve për luftën kundër kancerit e deri tek ndryshimi i ligjeve për therjen e kafshëve në Shtetet e Bashkuara. 

Megjithatë, ylli foli edhe për atmosferën që do të donte në funeralin e saj, duke e përshkruar atë si një “festë dashurie” dhe duke thënë se do të preferonte njerëzit që ajo pëlqen të marrin pjesë në vend të atyre që do të marrin pjesë ” sepse është gjëja politikisht korrekte për t’u bërë.”  

“E di që janë biseda që mund të duken të cuditeshme, por duhet t’i përballoj sepse jam e ndërgjegjshme që kjo do të ndodhë dhe që po largohem”, sqaroi Doherty e cila u ndal tek detajet që lidhen me të ftuarit në funeralin e saj:

“Do të doja që lista e të ftuarve të jetë e shkurtër. Unë njoh shumë njerëz që nuk më pëlqejnë mjaftueshëm dhe që mendoj se do të shfaqen gjithsesi, por ama unë nuk dua që të jenë aty. Nuk i dua sepse arsyet përse do të merrnin pjesë në ceremoni nuk janë domosdoshmërisht arsyet më të mira.” Dhe më pas shtoi duke qeshur: “Do të vinin se nuk duan të bëjnë përshtypje të keqe, ndaj dua t’ua heq presionin…”. 

Sa i përket djegies së saj të mundshme, ylli shpjegoi se planet e saj përfshijnë përzierjen e hirit me atë të qenit dhe babait të saj dhe shpërndarjen në një vend në Malibu, i cili në të shkuarën, ka pasur një rëndësi të madhe për të dhe të atin. 

Burimi: ABC News