Ambasada e Shteteve të Bashkuara të Amerikës, ka reaguar në lidhje me vendimin e PD, e LSI për djegien e mandateve.
Ambasada shkruan se ky veprim është minim i demokracisë, ndërsa bën thirre për zgjidhje të krizës politike.
“Një demokraci e shëndetshme kërkon një opozitë që funksionon në mënyrë konstruktive brenda institucioneve kushtetuese. Kërcënimet nga Partia Demokratike, Lëvizja Socialiste për Integrim dhe parti të tjera opozitare për të braktisur mandatet e tyre në parlament minojnë parimet bazë të demokracisë dhe sabotojnë përparimin e rëndësishëm që Shqipëria ka arritur në zbatimin e ligjit dhe qeverisjen e përgjegjshme. Shtetet e Bashkuara iu bëjnë thirrje të gjithë deputetëve të ngrihen mbi sherret politike, të refuzojnë thirrjet për të braktisur mandatet e tyre dhe të mbrojnë idealet dhe parimet që janë me rëndësi thelbësore për çdo demokraci të fortë. Nëse dështoni të bëni punën tuaj, do të zhgënjeni njerëzit të cilëve keni privilegjin tu shërbeni.”-shkruan ambasada.
“Ne si PD kemi vendosur në unanimitet të plotë që të digjen mandatet. Nuk komentoj deklaratat e ambasadave të huaja në Tiranë. Unë demokracinë amerikane e respektoj dhe e çmoj fort”, deklaroi Basha.
