Opozita ka vendosur që të zhvilloj protestën e dhjetë kombëtare kundër qeverisë “Rama”. Protesta e opozitës do të zhvillohet më më 8 korrik në orën 20:00
Vendimi është marrë, pas mbledhjes në selinë e PD të strukturave më të larta dhe të krerëve të bashkive të djathta.
Ndërkohë, kreu i PD, Lulzim Basha në një dalje për mediat ka ftuar të gjithë qytetarët që të marrin pjesë në protestën e opozitës.
“Dua të falënderoj nga zemra mbi 85% të shqiptarëve që refuzuan diktaturën e Edi Ramës më 30 qershor. Dua t’i ftoj të gjithë këta shqiptarë dinjitozë të na bashkohen ditën e hënë në orën 20:00 të mbrëmjes në një protestë kombëtare për të vazhduar të vendosur pa asnjë hap pas betejën tonë për demokracinë, kushtetutën lirinë. Të gjithë bashkë ditën e hënë”, deklaroi kreu i PD.
