Një grua, kush është prokurorja e hekurt që kërkon “kokën” e Tahirit

465
0

Elisabeta Imeraj është njëra prej tre prokurorëve të Krimeve të Rënda që ka firmosur kërkesën për arrestimin e Saimir Tahirit. Dy të tjerët janë Besim Hajdarmataj dhe Gentjan Osmani.

Kjo ishte treshja që mbrojti kërkesën për heqjen e imunitetit të Tahirit në tetor të vitit të shkuar përballë Komisionit të Mandateve në Kuvend në një seancë maratonë që zgjati dy ditë, e cila u finalizua me mbrotjen politike që maxhoranca i bëri ministrit të saj duke hedhur poshtë kërkesën e prokurorëve.

Imeraj pati edhe një debat me anëtaren e këtij komisioni, Vasilika Hysin, të cilën e ka patur edhe pedagoge në fakultetin e Drejtësisë në Universitetin e Tiranës.

Ishte pikërisht ky debat që bëri, një ndër gratë e pakta në Prokurorinë e Krimeve të Rënda të diltë në faqet kryesore të mediave shqiptare.

Imeraj është nëna e dy fëmijëve dhe prej vitit 2004 është pjesë e sistemit të drejtësisë në Shqipëri.

Ajo ka gradën Doktor i Shkencave në Drejtësi dhe titullin Profesor i Asociuar, shkruan Albeu.com.

Ajo njihet si prokurorja e çështjeve të vështira siç është ajo e Shullazit apo hetimi kundër të ashtuquajturëve imamë në xhaminë e Unazës së Re, të cilët organizonin grupe për të luftuar në Siri.

Një çështje e nxehtë ne duart e Imerajt është pikërisht edhe ajo e Tahirit.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.