Në ekranet shqiptare pritet të ketë disa lëvizje, është mësuar televizioni i ri ku do të transferohet Artan Hoxha si dhe dy spikerë të njohur
Gazetarin investigativ Artan Hoxha e kemi parë shpesh kohët e fundit në një tjetër ekran duke bërë që të fillojnë thashethemet për destinacionin e tij të ri këtë sezon.
Sipas Mapo.al mësohet së gazetari shumë shpejt do të largohet nga Report TV për të nisur një emision të ri tek Televizioni Abc News në profilin e tij, siç është investigimi dhe lajmet mbi policinë.
Gjërat thuhet se janë gati dhe për pak kohë pritet fillimi i emisionit të ri me gazetarin, ndërsa po në këtë televizion pritet të vijnë edhe dy spikerë të njohur nga një televizion kombëtar.
Këtë lëvizje në këtë sezon në Tv Abcn News, vijnë pas ndryshimit të menaxhimit, ku fokusi do të jetë informacione dhe lajme të shpejta i shoqëruar edhe me investigimin me Artan Hoxhën dhe një tjetër emër që pritet të zbardhet shumë shpejt.
Më herët, tek Tv Abc News shkoi dhe Einxhel Shkira, e cila iku nga “E Diell” në Top Channel për tu bërë pjesë bashkë me Gerti Çarçanin në emisionin sportiv “Pressing”.