Lajm i mirë për të gjithë shoferët/ Ndryshon Leja e Qarkullimit për makinat, njoftimi i fundit

334
0

Një lajm i mirë vjen për të gjithë shoferët që kanë një makinë. Leja e qarkullimit të automjeteve do të ndryshojë formë dhe përmbajtje së shpejti. Lajmi është konfirmuar nga kreu i DPSHTRR, Blendi Gonxhja i cili shprehet se leje e re do të kushtojë më lirë.

Po ashtu leja e re e qarkullimit që pritet të ndryshojë do të jetë e baras-vlefshme me certifikatën e pronësisë.

Leja e re, falë cilësisë, sigurisë dhe përputhshmërisë me Direktivën 1999/37/EC e 29 Prillit 1999 (e përditësuar, 2014), eliminon nevojën për Leje Ndërkombëtare Mjeti!

Njoftimi nga Gonxhja:

Së shpejti! Leja e re e Qarkullimit të Mjetit Rrugor!
AVANTAZHET direkte për qytetarët:
– Sot paguhet 3,500 lekë për lejen aktuale, certifikatën e pronësisë dhe lejen ndërkombëtare të mjetit! Leja e re që unifikon dokumentat e mjetit në 1 do kushtojë vetëm 2,100 lekë, -40%!
– Leja e re nuk do ketë vula kolaudimi, pra nuk do bëhet e pavlefshme nga mungesa e vendit për vula si leja aktuale!
– Leja e re nuk ka afat vlefshmërie!
– Leja e re përfshin të dhëna sipas kodeve të BE, datë regjistrimi për herë të parë, vit prodhimi, qiramarrës, etj!
– Leja e re unifikon të dhënat dhe eliminon Certifikatën e Pronësisë së Mjetit!
– Leja e re nuk dëmtohet nga lagështia ose palosjet, nuk griset si leja aktuale!
– Leja e re përmban elementet e sigurisë si: ëatermark – logo identifikuese në brumin e letrës speciale që dallohet vetëm nëse shikohet përmes dritës; fluorescent fibres – fije fluoreshente që dallohen vetëm me rreze ultraviolet; fluorescent imprints – logo identifikuese e dallueshme vetëm me rreze ultraviolet; hologramë – stampë e shndërritshme e integruar në materialin e letrës nga prodhuesi me dizajn të personalizuar!
– Leja e re do ketë edhe QR code drejtpërdrejt nga sistemi eDPSHTRR, mikrotekst, vizatim e grafika që ndryshojnë ngjyrën në këndvështrime të ndryshme drite, etj!
– Personalizimi me puntim!
– Cilësia dhe vetitë e letrës së lejes së re do të jenë speciale, e njëjtë me dokumentet e qarkullimit gjermane! Zvogëlohet në maksimum mundësia e manipulimit të të dhënave, për pasojë garantohet besueshmëria në qarkullim për çdo verifikim nga autoritetet brenda/jashtë vendit!
– Leja e re do jetë më e vogël, me tre pjesë, më praktike e rezistente, si edhe me çdo të dhënë të mjetit, të kodifikuar!
– Leja e re, falë cilësisë, sigurisë dhe përputhshmërisë me Direktivën 1999/37/EC e 29 Prillit 1999 (e përditësuar, 2014), eliminon nevojën për Leje Ndërkombëtare Mjeti! Qytetari lehtësohet nga kosto e angari që përsëritej çdo tre vjet!
SQARIM:
– Leja e re do të jepet për veprimet e reja me mjetin! Leja e re NUK do të jetë e detyrueshme për qytetarët që kanë lejen aktuale të mjetit!

#MëLehtëMëShpejtMëLirë #DPSHTRR
#SipasDirektivaveEvropiane #MIE #DTSH
#AutomotorizimiShqiptar

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.