Maturantët që duan të shkojnë në shkollë të lartë, tashmë duhet të përpiqen më shumë që të marrin nota të mira, pasi me anë të një VKM-je minimum i mesatares për tu pranuar në universitet nuk do të jetë më nota 6 por 6.5.
Në pikën dy të vendimit të Këshillit të Ministrave thuhet se minimumi i mesatares për të ndjekur programet e studimit të ciklit të parë dhe të dytë të studimeve do të jetë nota 6.5 nga 6 që ka qenë vitin e kaluar.Një pikë e veçantë i është kushtuar degëve të mësuesisë dhe tashmë nxënësit që duan të marrin në dorë edukimin e brezit të ri do tu duhet mesatarja jo më poshtë se 7.5, nga 7 që ishte në vitin akademik 2018-2019 për të shkuar në Universitet.
