Nga dita e sotme Danimarka nuk do t’i lejojë fluturimet në një aeroport danez pa kontrolluar që të gjithë pasagjerët në bord të jenë negativë për koronavirusin e ri. Pasagjerët duhet të paraqesin një test negativ, jo më të vjetër se 24 orë.
Nga kjo masë do të përjashtohen vetëm fluturimet e brendshme dhe ato që vijnë nga Groenlanda dhe Ishujt Faroe, territore autonome daneze, po ashtu edhe fëmijët nën 12 vjeç.
Këto kufizime të reja të udhëtimit do të qëndrojnë në fuqi deri më 17 janar.
