Një person nga Kosova ka humbur gjurmët në Durrës një ditë më parë ku ndodhej për pushime. Ai punonte si shofer dhe kishte ardhur së bashku me disa kolegë.
Policia kërkon ndihmën dhe bashkëpunimin e qytetarëve në gjetjen e tij teksa shpërndan edhe foton.
Skënder Rama 55 vjeç, banues në Kosovë, ditën e djeshme ka ardhur me pushime në Durrës (një grup shoferësh, 44 veta) dhe rreth orës 19 : 00 ka dalë nga hoteli ku ishin akomoduar të gjithë pushuesit, në afërsi të Shkëmbit të Kavajës dhe nuk është kthyer më.
“Është rreth 1, 75 cm i gjatë, i dobët dhe ka të veshur një këmishë të bardhë dhe xhinse të zeza.
Në rast identifikimi të tij, jeni të lutur të telefononi në numrin 0694110217”, thuhet në mesazhin e policisë.
