Kryebashkiaku i Lezhës, Fran Frrokaj, i akuzuar për abuzim dhe tjetërsim me pronat, ka dalë sot para Gjykatës së Apelit Shkodër, për të apeluar masën e sigurisë “arrest shtëpie”, e vendosur pak javë më parë nga Gjykata e Lezhës.
Ai kërkon që të hetohet në gjendje të lirë, në mënyrë që ndërkohë të vijojë detyrën e tij.
Duke folur në gjykatë deklaroi se, “Jam ndier i ofenduar nga prokuroria dhe do duhej të isha thirrur nga ana e tyre pasi jam njeri i komunikueshëm”.
Frrokaj tha më tej se kërkon ndryshimin e masës së sigurisë pasi ndihet i pafajshëm.
“Nëse dikush ka pretendime që dokumentet janë false atëherë mund ti dërgojë tek komisioni i dokumentacionit. Mbiemri Frrokaj s’ka lidhje me mbiemrin Frroku, janë krejt të ndryshme. Askush nga fisi im nuk ka lidhje me këto persona. Dokumentacioni i ATMP sa i përket hartografisë verifikohet nga këshilli i qarkut dhe hartograf privat me licencë”, deklaroi ndër të tjera kryebashkiaku lezhjan.
Nga ana e saj, prokuroria e akuzon Frrokaj se ka firmosur dokumente pa ia kaluar Zyrës për Regjistrimin e Pasurive të Paluajtshme.
Prokuroria ka dyshime se kryebashkiaku ka shpërdoruar detyrën bashkë me vartësit e tij.
Nga ana e tij avokati kërkoi që Frrokaj të hetohet i i lirë përkundër garancisë pasurore dhe ndaj tij të caktohet detyrim paraqitje