Kanadaja në fillim të vitit të ardhshëm do të lëshojë viza ekspres të cilat pritet të zgjidhin problemin e këtij shteti sa i përket mungesës së fuqisë punëtore të kualifikuar.
Qeveria kandeze paralajmëron se nga shkurti i vitit 2018 do të fillojë me ndarjen e vizave “eksprese” që do të ju mundësojnë punëdhënësve sa më shpejtë t’i plotësojnë vendet e punës me punëtorë të kualifikuar.
Bëhet fjalë për ndryshim të sistemit të migrimit në të cilin kanadezët janë duke punuar tani 18 muaj.
Viza e re e quajtur Express Entry do ta zëvendësojë atë që deri tani quhej Expression of Interest dhe paraqet mënyrë më të re që Kanada t’i selektojë emigrantët në bazë të aftësive dhe njohurive të tyre që i nevojiten Kanadasë në bazë të interesave që i identifikojnë qeveria dhe punëdhënësit.
Viza Express Entry do të ofrojë mundësi edhe për qëndrim afatgjatë në Kanada, kanë njoftuar mediat kanadeze
Kjo në të vërtetë paraqet ndryshim të politikës së emigracionit për të cilën Kanadaja ka punuar gjatë 18 muajve të fundit, gjegjësisht sistemi i Expression of Interest zëvendësohet me një vizë të shpejtë e cila paraqet mënyrën më të shpejt që Kanadaja të bëj selektimin e emigrantëve të cilët posedojnë shkathtësi dhe njohuri për ekonominë e vendit. Sistemi duhet të funksionojë në atë mënyrë që kandidatët para se të vijnë në Kanada të tregojnë interes për punën që duan të punojnë.
Pastaj shteti i teston ata me disa pyetje në bazë të të cilave më pas bëhet vlerësimi i profilit të emigrantit dhe të njëjtin ta ofrojë në treg.
