Java me e nxehte e veres/ I nxehti afrikan pushton Shqipërinë, temperatura mbi 40°C

466
0

Vendi yne është përfshirë nga temperatura të të nxehtit afrikan, që pritet të kalojnë mbi 40 gradë.

Sot vendi është përfshirë nga temperatura të larta gjatë ditës pasi ndikohet nga kushtet e qëndrueshme atmosferike në sajë të vlerave të larta barike dhe masat ajrore të thata me origjinë nga Afrika e Veriut.

Megjithatë në relievet malore të vendit vranësirat hera-herës bëhen deri të dendura shoqëruar me reshje shiu në formën e shtrëngatave dhe rrebesheve afatshkurtër.

Në zona të izoluara këto reshje do të shoqërohen edhe me breshër.

Era do të fryjë me drejtm verilindje – veriperëndim me shpejtësi mesatare 1-5m/s, dhe në bregdet deri në 7m/s shoqëruar me valëzim në dete të forcës 1 ballë.

Mbrëmjet në vijim pritet të jenë të freskëta.

Temperaturat parashikohen në:

zonat malore 14°C deri në 32°C zonat e ulëta 14°C deri në 36°C zonat bregdetare 15°C deri në 34°C

Moti do jetë i favorshëm për pushuesit në bregdetin e Jonit dhe Adriatikut, por paralajmërohet kujdes i veçantë pasi temperaturat do të jenë mbi normën e caktuar.

Kjo javë pritet të jetë edhe java më e nxehta e kësaj vere. Po ashtu edhe muaji korrik do të fillojë me temperatura të larta 39-40 gradë celcius.