Ministria e Shëndetësisë dhe Mbrojtjes Sociale nëpërmjet stukturave të Shërbimit Social Shtetëror ka marrë masat e menjëhershme për 4 fëmijët jetimë të familjes Sefe në fshatin Sovjan të Korçës.
Para tre vitesh, Xhorxhino, Marjo, Mateo dhe Xhulio humbën nënën e tyre ndërkohë një javë më parë humbën dhe babain. Historia e tyre preku dje mbarë rrjetin.
Ndërkaq, gjatë ditës së sotme Shërbimit Social Shtetëror Korçë, në bashkëpunim me Bashkinë Maliq dhe Fondacionin “Kenedy” vizituan fëmijët në shtëpinë e tyre dhe u ofruan paketë me veshje dhe ushqime dhe përgatitjen e dokumentacioni për marrjen e Statusit të Jetimit.
Deri në marrjen e një vendimi nga Gjykata lidhur me kujdestarinë e tyre, fëmijët do të qëndrojnë pranë motrës së madhe e cila është e martuar.
Sot, më i vogli i familjes kishte ditëlindjen dhe Drejtoria Rajonale e Shërbimit Social Korçë realizoi një festë suprizë për të në bashkëpunim më nxënësit e tjerë të klasës.
