Autoritetet britanike në Mançester kanë ngritur alarmin, pas publikimit të një videoje, ku një grua shfaqet duke u përpjekur të largohet me forcë nga një person, i cili e merr me dhunë në makinë ne tij.
Sipas mediave vendase, gruaja u pa dje në mëngjes duke u sulmuar dhe tërhequr zvarrë në një makinë nga e cila kishte ikur. Policia nuk ka mundur ta lokalizonte gruan pasi kamerat e sigurisë në kryqëzimin e “Rostherne Road” dhe “Garners Lane”, e filmoi atë duke vrapuar dhe duke u përpjekur të largohej nga një person që e ndiqte.
Automjeti përshkruhet si një makinë me ngjyrë të errët dhe u pa për herë të fundit duke shkuar drejt stacionit të Davenport. Gruaja thuhet se është e veshur me streçe me ngjyrë të errët dhe çizme Ugg. Shoferi përshkruhet si një burrë i veshur me një pallto të zezë.
Efektivja Natalie Jamieson, nga Stockport, tha: “Ne kemi kryer hetime shtëpi më shtëpi, CCTV dhe filmime kamerash që nga raporti, duke u përpjekur të përcaktojmë rrethanat e plota të asaj që mund të ketë ndodhur. Deri më tani, këto hetime kanë rezultuar negative për gjetjen e gruas ose shoferit, dhe ne jemi tani në një pozicion që duhet të apelojmë për ndihmën e publikut të gjerë. Në qendër të kësaj është potencialisht një grua që ka nevojë për mbrojtje urgjente ose kujdes mjekësor, dhe ne duhet ta gjejmë atë sa më shpejt të jetë e mundur.”
