Gjesti i vecante i policëve amerikanë, kërkojnë falje për Floyd para protestuesve

236
0

Në disa qytete të mëdha të SHBA, policia është bashkuar me manifestuesit që protestonin në emër të George Floyd duke marshuar së bashku me ta. Madje duke u gjunjëzuar dhe para tyre.

Veprimi i agjentëve në New Jersey Ferguson, Misuri, Flint e Miçigan është bërë viral në rrjetet sociale duke marrë shumë vlerësime.

Manifestuesit në Flint Micigan, të mbledhur para stacionit të policisë, dëgjuan fjalët e sherifit  të kontesë, Kristofer Suanson, i cili foli me ta para se të bashkohej me protestën paqësore pasi dorëzoi kaskon dhe shkopin e gomës në shenjë paqe.

Sherifi theksoi se agjentët e policisë në vend nuk janë të gjithë si ish agjenti Derek Chauvin, i akuzuar për marrjen e jetes se Floyd. Ai shtoi se askush nuk duhet të mendojë për asnjë sekondë se ai përfaqëson të gjithë policinë e vendit.

Jashtë stacionit të policisë së Ferguson, në shenjë respekti efektivët u gjunjëzuan për nëntë minuta, aq sa zgjati dhe agonia e Floyd gjatë mbytjes. Turma inkurakoi agjentët për spektaklin e solidaritetit.

Shtetet e Bashkuara të Amerikës janë përfshirë prej disa ditësh nga protesta të nxehta, që po zgjerohen gjithmonë e më shumë. Kjo valë reagimi u shkaktua pas humbjes se jetes së një afro-amerikani gjatë arrestimit nga policia. Në rrjet u bë virale video e George Floyd, i cili qëndronte me fytyrën në tokë, ndërsa polici Chauvin në Minneapolis kishte vendosur këmbën në qafën e tij. Pavarësisht thirrjeve të Floyd se nuk po merrte frymë, polici nuk u ndal.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.