Gjesti i pahijshëm i ambasadorit të OSBE, i ngre gishtin e mesit protestuesve (Video)

402
0

Gjesti aspak i hijshëm i ambasadorit të OSBE në Tiranë, Berndt Borschardt, i cili i ngriti gishtin e mesit protestuesve të cilët ishin para Drejtorisë së Policisë ka sjellë reagimin e shumë personazheve publikë.

Për këtë gjest aspak etik ka reaguar edhe ish-ministri i Drejtësisë Ylli Manjani.

Me një postim në Facebook Manjani shprehet se shqiptarët nuk i kanë asnjë borxh ambasadorit që të shohin ofendimet e tij dhe se gishti i ngritur shpreh nivelin ordiner të një njeriu me vlera të lodhura, që nuk mund të mbrojë por duhet të ndëshkohet nga Konventa e Vienës.

Postimi i plotë i Ylli Manjanit:

Gjeji vend atij gishti zoti Ambasador!

Këtë fyerje nuk ta kishim borxh. As ndonjë kusur nuk të kërkoi njeri!

Të qenit diplomat nuk të jep të drejtë të fyesh askënd në shtetin ku shërben!

Ai gisht i ngritur, në fakt shpreh nivelin ordiner të një njeriu me nerva të lodhura, që nuk mund ta mbrojë por duhet ta ndëshkojë Konventa e Vienës.

Ai gisht në fakt shpreh krizën spektakolare që ka drejtimi i OSBE, drejtim i cili do ti besohet qeverisë më antidemokratike të vendeve anëtare të OSBE. Qeverisë që dhunon egërsisht qytetarët e saj dhe liritë Kushtetuese.

Ai gisht në fakt është një akt i pastër sinqeriteti, sepse tregon se sa i paanshëm është diplomati që medemek kujdeset për demokracinë, zgjedhjet, sigurinë e bashkëpunimin!

Pika i rëntë atyre që besojnë se ky gisht përpjetë do ndihmojë reformën zgjedhore!

Çfarë arroganti!

Kjo është e turpshme! Një akt i pastër rrugaçërie nga një përfaqësues me imunitet diplomatik!

Zhgënjim i madh që diplomacia Gjermane të përfaqësohet me një person të tillë!

Turp! Turp!Turp! Shame on you!

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.